ମୁମ୍ବାଇ: ଶାହିଦ କପୁରଙ୍କ ଅପକମିଂ ଫିଲ୍ମ 'କବୀର ସିଂହ' ର ସୁଟିଂ ଜୋରସୋରରେ ଚାଲିଛି । ଫିଲ୍ମରେ ଶାହିଦଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ଅଭିନେତ୍ରୀ କିୟାରା ଆଡୱାନୀ । କିନ୍ତୁ ଫିଲ୍ମ ପାଇଁ ମେକର୍ସଙ୍କ ପ୍ରଥମ ପସନ୍ଦ କିୟାରା ନୁହେଁ ଆଉ ଜଣେ ଅଭିନେତ୍ରୀ ଥିଲେ । ନିର୍ମାତାଙ୍କ ପ୍ରଥମ ପସନ୍ଦ ଥିଲେ ନବାଗତ ଅଭିନେତ୍ରୀ ତାରା ସୁତାରିୟା । ସେ ଫିଲ୍ମରେ ସାମିଲ ମଧ୍ୟ ହୋଇସାରିଥିଲେ । କିନ୍ତୁ କିଛି ସମସ୍ୟା ପାଇଁ ତାଙ୍କ ସ୍ଥାନରେ କିୟାରାଙ୍କୁ ନିଆଗଲା । ତେବେ ଆସନ୍ତୁ ଜାଣିବା ଏହାର କାରଣ...
ଏବେ ସାମ୍ନାକୁ ଆସିଯାଇଛି ତାରା କାହିଁକି 'କବୀର ସିଂହ'ରେ କାମ କରିବାକୁ ମନା କରିଥିଲେ । ଯାହାର ଖୁଲାସା ତାରା ନିଜେ ହିଁ କରିଛନ୍ତି । 'ଷ୍ଟୁଡେଣ୍ଡ ଅଫ ଦ ଇୟର-'2 ଫିଲ୍ମ ଜରିଆରେ ଏହି ସପ୍ତାହରେ ବଲିଉଡରେ ପାଦ ଥାପିବାକୁ ଯାଉଥିବା ତାରା କହିଛନ୍ତି କି ଶାହିଦଙ୍କ ଫିଲ୍ମରେ କାମ କରିବା ତାଙ୍କ ପାଇଁ ସମ୍ଭବ ହୋଇପାରିଲା ନାହିଁ । କାରଣ 'ଷ୍ଟୁଡେଣ୍ଟ ଅଫ ଦ ଇୟର-2' ପାଇଁ ତାଙ୍କ ପାଖରେ ସମୟ ନଥିଲା । ଫିଲ୍ମ ଅଧା ସୁଟିଂ ସରିଥିବା ବେଳେ ଆଉ କିଛି ବାକି ରହିଯାଇଥିବାରୁ ସେ 'କବୀର ସିଂହ' ପାଇଁ ସମୟ କାଢିପାରିଲେ ନାହିଁ ।
ପ୍ରକାଶ ଥାଉକି ତାରା କେବଳ 'କବୀର ସିଂହ' ଛାଡିନାହାଁନ୍ତି । ଏହାସହ ସେ ହଲିଉଡର ଏକ ପ୍ରୋଜେକ୍ଟ ପାଇଁ ମଧ୍ୟ ମନା କରିଦେଇଥିଲେ । ସେ ହଲିଉଡ ଅଭିନେତା ୱିଲ ସ୍ମିଥଙ୍କ ଆଗାମୀ ଫିଲ୍ମ 'ଆଲାଦିନ' ପାଇଁ ଲଣ୍ଡନରେ କାମ ମଧ୍ୟ ଆରମ୍ଭ କରିଦେଇଥିଲେ । କିନ୍ତୁ 'ଷ୍ଟୁଡେଣ୍ଡ ଅଫ ଦ ଇୟର-2'ର ମଧ୍ୟ ସୁଟିଂ ଏକାସମୟରେ ଆରମ୍ଭ ହେବାର ଥିଲା । ତେଣୁ ସେ ବିଦେଶ ଛାଡି ଭାରତକୁ ଫେରିଆସିଥିଲେ ।
