ମୁମ୍ବାଇ: ବି-ଟାଉନର ଛୋଟେ ନୱାବ ସୈଫ ଅଲ୍ଲୀ ଖାନ ଓ ଭର୍ସାଟାଇଲ ଅଭିନେତା ନୱାଜୁଦ୍ଦୀନ ସିଦ୍ଦିକୀଙ୍କ ଅଭିନୀତ ପପୁଲାର ୱେବ ସିରିଜ ‘ସାକ୍ରେଡ ଗେମ୍ସ 2’ ସ୍ବାଧୀନତା ଦିବସରେ ନେଟଫ୍ଲିକ୍ସରେ ପ୍ରସାରିତ ହେବ । ନେଟଫ୍ଲିକ୍ସର ଏହି ୱେବ ସିରିଜର ପ୍ରଥମ ଭାଗ ବହୁତ ଲୋକପ୍ରିୟତା ହାସିଲ କରିଥିଲା । ଏବେ ଏହାର ଦ୍ବିତୀୟ ସିଜନକୁ ନେଇ ଖୁବ୍ ଚର୍ଚ୍ଚା । ଦର୍ଶକଙ୍କ ଏକ୍ସାଇମେଣ୍ଟ ବଜାଇ ରଖିବାକୁ ମେକର୍ସ ସିରିଜର ନୂଆ ନୂଆ ଟିଜର୍ସ ରିଲିଜ କରିବାରେ ଲାଗିପଡିଛନ୍ତି । ଆଉ ଏହି କ୍ରମରେ‘ସାକ୍ରେଡ ଗେମ୍ସ 2’ର ନୂଆ ଟିଜର ରିଲିଜ ହୋଇଯାଇଛି ।
- " class="align-text-top noRightClick twitterSection" data="
">
ନେଟଫ୍ଲିକ୍ସ ଇଣ୍ଡିଆର ଇନଷ୍ଟାଗ୍ରାମ ଆକାଉଣ୍ଟରେ ସେଯୟାର କରାଯାଇଥିବା ଏହି ଭିଡିଓରେ ନୱାଜ, ଗଣେଶ ଗାୟତୋଣ୍ଡେ ଅବତାରରେ ନଜର ଆସୁଛନ୍ତି । ଭିଡିଓରେ ଗଣେଶ ସୋଫା ଉପରେ ମୃତ ଅବସ୍ଥାରେ ପଡିଛନ୍ତି । ଇତିମଧ୍ୟରେ ବ୍ୟାକଗ୍ରାଉଣ୍ଡରୁ ତାଙ୍କ ସ୍ବର ଶୁଣାଯାଇଛି । ଆଉ ସେ ପ୍ରଶ୍ନ କରୁଛନ୍ତି ଭଗବାନଙ୍କୁ ମାନୁଛ ? କିନ୍ତୁ କେବେ ଏହା ଭାବିଛି ଭଗବାନ କାହାକୁ ମାନୁଛନ୍ତି ?
‘ସାକ୍ରେଡ ଗେମ୍ସ 2’ ଭିଡିଓକୁ ସେୟାର କରାଯାଇ କ୍ୟାପସନରେ ଲେଖାଯାଇଛି, ‘‘ଆପୁନ ଗଣେଶ ଗାୟତୋଣ୍ଡେକୋ ମାନତା ହେ ।’’ ସିରିଜର ଦ୍ବିତୀୟ ପାର୍ଟ ଦର୍ଶକଙ୍କୁ କନଫ୍ୟୁଜିଂ କରିଦେଇଛି । ‘ସାକ୍ରେଡ ଗେମ୍ସ 2’ର ଦ୍ବିତୀୟ ସିଜନରେ କିଛି ନୂଆ ଭୂମିକାକୁ ଦେଖିବାକୁ ମିଳିବ । ଅନ୍ୟପଟେ ଅଭିନେତା ପଙ୍କଜ ତ୍ରିପାଠୀଙ୍କ ଭୂମିକାକୁ ସିରିଜରେ ବଢାଇ ଦିଆଯାଇଛି ।
