ମୁମ୍ବାଇ: ପୁଣି ବଲିଉଡକୁ ଆଉ ଏକ ଝଟକା । ଭାଙ୍ଗିଲା ଫିଲ୍ମ ଇଣ୍ଡଷ୍ଟ୍ରିର ପ୍ରଖ୍ୟାତ ସଙ୍ଗୀତ ନିର୍ଦ୍ଦେଶକ ସାଜିଦ-ୱାଜିଦଙ୍କ ଯୋଡି । ସାଜିଦଙ୍କୁ ଏକା କରି ଚାଲିଗଲେ ୱାଜିଦ । କୋରୋନା ସଂକ୍ରମଣ ଯୋଗୁଁ ରବିବାର ରାତିରେ ୱାଜିଦଙ୍କ ନିଧନ ହୋଇଛି । ମୁମ୍ବାଇର ଚେମ୍ବୁର ହସ୍ପଟାଲରେ ତାଙ୍କର ମୃତ୍ୟୁ ହୋଇଛି । ମୃତ୍ୟୁବେଳକୁ ତାଙ୍କୁ ମାତ୍ର 42 ବର୍ଷ ହୋଇଥିଲା ।
କୋଭିଡରେ ପୀଡିତ ହୋଇ ସାଜିଦ ଗତ ସପ୍ତାହରେ ଧରି ସେ ହସ୍ପିଟାଲରେ ଚିକିତ୍ସିତ ହେଉଥିଲେ । ଏନେଇ ପ୍ରଥମେ ସୂଚନା ଦେଇଥିଲେ ସଙ୍ଗୀତକାର ସଲିମ ମର୍ଚାଣ୍ଟ ।
ଏକ ରିପୋର୍ଟ ମୁତାବକ, ୱାଜିଦ କିଡନୀ ରୋଗରେ ପୀଡିତ ହୋଇଥିଲେ । କିଛି ମାସ ପୂର୍ବରୁ ତାଙ୍କର କିଡନୀ ଟ୍ରାନ୍ସପ୍ଲାଣ୍ଟ ମଧ୍ୟ କରାଯାଇଥିଲା । ସ୍ବାସ୍ଥ୍ୟବସ୍ଥା କିନ୍ତୁ ଠିକ ନଥିଲା । ଆଉ ପରେ ତାଙ୍କ ନିକଟରୁ କୋରୋନା ପଜିଟିଭ ମିଳିଥିଲା । କିଡନୀ ସମସ୍ୟା ଯୋଗୁଁ ରୋଗ ପ୍ରତିରୋଧ ଶକ୍ତି ହ୍ରାସ ପାଇଥିଲା । ଫଳରେ ରବିବାର ବିଳମ୍ବିତ ରାତ୍ରୀରେ ତାଙ୍କର ଦେହାନ୍ତ ହୋଇଛି ।
ସେପଟେ, ଏହି ଘଟଣାକୁ ସାରା ବଲିଉଡରେ ସ୍ତବ୍ଧ ହୋଇଯାଇଛି । ସଲିମ ଟ୍ବିଟ କରି କହିଛନ୍ତି, , ମୁଁ ଭାଙ୍ଗି ଯାଇଛି । ଭାଇ ୱାଜିଦଙ୍କ ଦେହାନ୍ତକୁ ନେଇ ମୋତେ ଅତ୍ୟନ୍ତ ବ୍ୟତିବ୍ରସ୍ତ କରିଛି । ଆଲ୍ଲା ତାଙ୍କ ପରିବାରଙ୍କୁ ଶକ୍ତି ଦିଅନ୍ତୁ । ୱାଜିଦ ଭାଇ ବହୁତ ଶୀଘ୍ର ଆମକୁ ଛାଡି ଚାଲିଗଲେ । ସଙ୍ଗୀତ ଦୁନିଆ ପାଇଁ ବଡ କ୍ଷତି ।
2020 ବଲିଉଡ ଜଗତ ପାଇଁ ଅଭିଶାପ ପାଲଟିଛି । ପ୍ରଥମେ ଏକ ଖ୍ୟାତାନାମା ଓ ଅଭିଜ୍ଞ ଅଭିନେତା ଇରଫାନଙ୍କ ଦେହାନ୍ତ ପରେ ଭେଟେରାନ ଅଭିନେତା ଋଷି କପୁର ଅଲବିଦା ନେଇଛନ୍ତି । ଏବେ ସଙ୍ଗୀତ ନିର୍ଦ୍ଦେଶକ ୱାଜିଦ ଖାନଙ୍କ ପରଲୋକ ହୋଇଛି । ଏପରି ସ୍ଥିତିରେ ବଲିଉଡ ଜଗତରେ ଛାଇ ରହିଛି ଦୁଃଖର ବାଦଲ ।
ୱାଜିଦ୍ ଖାନଙ୍କୁ ଏକ ଉଜ୍ଜ୍ୱଳ ହସୁଥିବା ପ୍ରତିଭା ବୋଲି କହି ଅମିତାଭ ବଚ୍ଚନ ତାଙ୍କୁ ଟ୍ୱିଟରରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସେ ଲେଖିଛନ୍ତି, ୱାଜିଦ୍ ଖାନଙ୍କ ଦେହାନ୍ତ ତାଙ୍କୁ ଚକିତ କରିଛି ।
ସେହିପରି ପ୍ରିୟଙ୍କାଙ୍କ ଭଉଣୀ ପରିଣୀତି ଚୋପ୍ରା ମଧ୍ୟ ଦୁଃଖ ପ୍ରକାଶ କରିଛନ୍ତି । ସେ କହିଛନ୍ତି ୱାଜିଦ ଭାଇଙ୍କ ସହ ବିତାଇ ଥିବା ପ୍ରତିଟି ମୁହୂର୍ତ୍ତ ମନେ ରହିବ । ସନ୍ଧ୍ୟା ସମୟରେ ତାଜମହଲରେ ମିଶି ଗାଇଥିବା ଗୀତକୁ ମୁଁ ମୋ ସ୍ମୃତିରେ ରଖିବେ ବୋଲି ସେ ପରିଣୀତି କହିଛନ୍ତି । ପ୍ରିୟଙ୍କା ଚୋପ୍ରା ମଧ୍ୟ ଟ୍ବିଟ କରି ଦୁଃଖ ପ୍ରକାଶ କରି କହିଛନ୍ତି ବହୁତ ଶୀଘ୍ର ଛାଡି ଚାଲିଗଲେ ୱାଜିଦ ଭାଇ । ମୋତେ ସବୁବେଳେ ତାଙ୍କ ସେହି ହସହସ ମୁହଁ ମନେ ରହିବ । ଆତ୍ମକୁ ଶାନ୍ତି ଓ ସଦଗାମନା କାମନା କରିଛନ୍ତି ପିସି ।
ସାଜିଦ-ୱାଜିଦଙ୍କ ଏହି ଯୋଡି ଅନେକ ଗୀତରେ ନିର୍ଦ୍ଦେଶନା ନେଇଛନ୍ତି । ତାଙ୍କୁ ପ୍ରଥମେ ସଲମାନ ଖାନ ଫିଲ୍ମ ପ୍ୟାର କିୟା ତୋ ଡରନା କ୍ୟାରୁ କ୍ୟାରିଆର ଆରମ୍ଭ କରିଥିଲେ । ଏହା ପରେ ଅନେକ ସଲମାନଙ୍କ ଫିଲ୍ମର ଗୀତ ଗୁଡିକରେ ନିର୍ଦ୍ଦେଶନା ଦେଇଛନ୍ତି । ତେବେ ନିକଟରେ ରିଲିଜ ହୋଇଥିବା ସଲମାନଙ୍କ ଭାଇ-ଭାଇ ଗୀତରେ ଶେଷ ଥର ପାଇଁ ନିର୍ଦ୍ଦେଶନା ଦେଇଥିଲେ ସାଜିଦ-ୱାଜିଦ ।
