ମୁମ୍ବାଇ: ସୋସିଆଲ ମିଡିଆରେ ପୋଷ୍ଟକୁ ନେଇ ସବୁବେଳେ ସମସ୍ୟାରେ ରହୁଥିବା ଅଭିନେତା ବିବେକ ଓବରାୟ ପୁଣି ନିଜ ପୋଷ୍ଟକୁ ନେଇ ଟ୍ବିଟରରେ ଟ୍ରୋଲ ହୋଇଛନ୍ତି । ବିବେକ ଶୁକ୍ରବାର ଟ୍ବିଟରରେ ଭାରତୀୟ କ୍ରିକେଟ ଟିମର ପ୍ରଶଂସକଙ୍କୁ ଆଧାର କରି ଏକ ଜିଫ ପୋଷ୍ଟ କରିଥିଲେ ।
ସେହି ଜିଫରେ ଦେଖିବାକୁ ମିଳିଥିଲା ଯେ ଜଣେ ବ୍ୟକ୍ତି ରାସ୍ତାରେ ଚାଲୁ ଚାଲୁ ଭାବୁଛି କି ତାଙ୍କ ପାଖକୁ ଆସୁଥିବା ମହିଳା ଜଣକ ତାଙ୍କୁ ଆଲିଙ୍ଗନ କରିବେ, କିନ୍ତୁ ତାଙ୍କୁ ଆଲିଙ୍ଗନ ନକରି ସେହି ମହିଳା ଜଣଙ୍କ ତାଙ୍କ ପଛରେ ଚାଲୁଥିବା ବ୍ୟକ୍ତିକୁ ଆଲିଙ୍ଗନ କରିଥିଲେ ।
ଏବର୍ଷ ବିଶ୍ବକପ ସେମିଫାଇନାଲ ମ୍ୟାଚରେ ଭାରତ ପରାସ୍ତକୁ ନେଇ ବିବେକ ଏହି ଜିଫ ପୋଷ୍ଟ କରିଥିଲେ । ଆଉ ଏହାର କ୍ୟାପସନରେ ଲେଖିଥିଲେ, "ବିଶ୍ବକପ ସେମିଫାଇନାଲରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଇଥିବା ମ୍ୟାଚରେ ଭାରତ ପ୍ରଶଂସକଙ୍କ ଅବସ୍ଥା ଠିକ୍ ଏହି ବ୍ୟକ୍ତି ପରିକା ।"
ଏହାପରେ ଆଉ କଣ ଥିଲା ବିବେକଙ୍କ ଏହି ପୋଷ୍ଟଟି ୟୁଜର୍ସଙ୍କୁ ଆଦୌ ପସନ୍ଦ ଆସିନଥିଲା । ଯାହାପରେ ତାଙ୍କୁ ଟ୍ରୋଲର କରିବା ଆରମ୍ଭ କରିଦେଇଥିଲେ ।
ଜଣେ ୟୁଜର ଲେଖିଥିଲେ, "ଶ୍ରୀ ଓବରାୟ ଜି, ପରିପକ୍ବ ହୋଇଯାଆନ୍ତୁ । ଅନ୍ୟଥା ଲୋକ ସବୁବେଳେ ଆପଣଙ୍କୁ ହାଲକାରେ ନେବେ ।" ସେହିପରି ଆଉ ଜଣେ ୟୁଜର ଭାରତୀୟ ଟିମକୁ ସମ୍ମାନ ଦେବାକୁ ଅପଲ କରିଛନ୍ତି ।
ସେହିପରି ୟୁଜର ଜଣଙ୍କ ଟ୍ବିଟ କରି ଲେଖିଛନ୍ତି, "ଯାହା ବି ହେଉ ସେ ଦେଶ ପାଇଁ ଲଢି ସେମିଫାଇନାଲ ମ୍ୟାଚ ପର୍ଯ୍ୟନ୍ତ ପହଞ୍ଚିପାରିଲେ । ଆପଣଙ୍କ ପରି ନୁହେଁ ଯିଏ ସବୁବେଳେ ଫ୍ଲପ ଫିଲ୍ମ ନେଇ ପରଦାରେ ନଜର ଆସୁଛନ୍ତି । ଭାରତୀୟ ଟିମକୁ ସମ୍ମାନ ଦେବା ଶିଖ ।"
