ହାଇଦ୍ରାବାଦ: ଅନେକ ବାଦ ବିବାଦ ପରେ ଶେଷରେ ରିଲିଜ ହୋଇଛି ନରେନ୍ଦ୍ର ମୋଦିଙ୍କ ବାୟୋପିକ ‘ପିଏମ ନରେନ୍ଦ୍ର ମୋଦି’ । ନିର୍ବାଚନ ଫଳାଫଳର ପରଦିନ ରିଲିଜ ହୋଇଛି ଫିଲ୍ମ । ତେବେ ଫିଲ୍ମର ସ୍କ୍ରିନିଂ ସମୟରେ ମୁଖ୍ୟ ଭୁମିକାରେ ଥିବା ବିବେକ ଓବରୟ ମୁମ୍ବାଇରେ ଚା' ବାଣ୍ଟୁଥିବାର ଦେଖିବାକୁ ମିଳିଥିଲା ।
ଫିଲ୍ମର ରିଲିଜ ପୂର୍ବରୁ ମୋଦି ସରକାର ବହୁମତରେ ବିଜୟୀ ହୋଇଛି । ତେବେ ଫଳାଫଳ ପୂର୍ବରୁ ଦଳ ଜିତିବ ଓ ଦର୍ଶକ ମନ ଖୁସିରେ ଫିଲ୍ମ ଦେଖିବେ ବୋଲି କହିଥିଲେ ବିଜେପି ସମର୍ଥକ ବିବେକ । ବିଜେପି ଜିତିବା ଓ ଫିଲ୍ମର ସ୍କ୍ରିନିଂ ପାଇଁ ଅତ୍ୟନ୍ତ ଖୁସି ଅଛନ୍ତି ରିଲ୍ ଲାଇଫ ମୋଦି ।
ତେବେ ଏହି ସମୟରେ ଫିଲ୍ମର ନିର୍ମାତା ଉମଙ୍ଗ କୁମାର ମଧ୍ୟ ଉପସ୍ଥିତ ଥିଲେ । ଏହାସହ ଫିଲ୍ମର ପୁରା ଟିମ ନରେନ୍ଦ୍ର ମୋଦିଙ୍କ ଜିତିବା ଖୁସିରେ ଚା' ପିଇ ସେଲିବ୍ରେଟ କରିଥିଲେ ।
