ମୁମ୍ବାଇ: ରିୟାଲିଟି ଶୋ ବିଗ ବସ 13 ଆଉ କିଛି ଦିନ ପରେ ଶେଷ ହେବାକୁ ଯାଉଛି । ଗ୍ରାଣ୍ଡ ଫିନାଲେ ଉପରେ ସମସ୍ତଙ୍କ ନଜର । ଏହାପୂର୍ବରୁ ବିଗ ବସ ହାଉସରେ ଏଯାବତ ଥିବା କିଛି ପ୍ରତିଯୋଗୀଙ୍କୁ ସପୋର୍ଟ କରିବାକୁ ଧିରେ ଧିରେ ତାଙ୍କ ପରିବାର ସଦସ୍ୟ ଓ ବନ୍ଧୁ ହାଉସରେ ଏଣ୍ଟ୍ରି କରୁଛନ୍ତି । ବିଗ ବସ ପ୍ରତିଯୋଗୀ ବିଶାଲ ଆଦିତ୍ୟ ସିଂଙ୍କୁ ବିଗ ବସ ହାଉସରେ କିଏ ସପୋର୍ଟ କରିବାକୁ ଆସିବେ ତାହା ନେଇ ଏଯାବତ କୌଣସି ଖୁଲାସା ହୋଇନାହିଁ । ଇତିମଧ୍ୟରେ ବିଶାଲଙ୍କ ଏକ୍ସ ଗାର୍ଲଫ୍ରେଣ୍ଡ ମଧୁରିମା ତୁଲୀ ବିଗ ବସ ହାଉସରେ ଏଣ୍ଟ୍ରି କରିବାର ଚର୍ଚ୍ଚା ଜୋର ଧରିଛି ।
ସେ ମଧ୍ୟ ଦ୍ବିତୀୟଥର ବିଗ ବସ ହାଉସକୁ ଯିବାକୁ ନେଇ ନିଜ ପ୍ରତିକ୍ରିୟା ରଖିଛନ୍ତି । ରିପୋର୍ଟ ଅନୁଯାୟୀ ଶୋ ମେକର୍ସ ମଧୁରିମାଙ୍କୁ ଶୋରେ ଦ୍ବିତୀୟ ଥର ଆଣିବା ପାଇଁ ଅପ୍ରୋଚ କରିଛନ୍ତି । ଯେତେବେଳେ ଏହି ମାମଲାରେ ମଧୁରୀମାଙ୍କୁ ପ୍ରଶ୍ନ କରାଯାଇଥିଲା । ତେବେ ଏହାର ଜବାବରେ ସେ କହିଥିଲେ ସେ ବିଗ ବସ ହାଉସରେ ଥିବା ବେଳେ ବିଶାଲ ଓ ତାଙ୍କ ମଧ୍ୟରେ ଯାହା ଘଟିଥିଲା ତାପରଠୁ ସେ ତାଙ୍କ ସହ କୌଣସି ସମ୍ପର୍କ ରଖିନାହାଁନ୍ତି।
ପ୍ରକାଶ ଥାଉକି ପ୍ରତିଯୋଗୀ ଶେଫାଳି ଜରିୱାଲାଙ୍କ ପୂର୍ବରୁ ମାଧୁରିମାଙ୍କୁ ଶୋରୁ ବାହାରିଯାଇଥିଲେ । ବିଶାଲଙ୍କ ସହ ହିଂସା କରିବାକୁ ଆଧାର କରି ସଲମାନ ତାଙ୍କୁ ଶୋରୁ ବାହାର କରିଦେଇଥିଲେ ।
