ହାଇଦ୍ରାବାଦ: ଅଭିନୟ ଜଗତରେ କାୟା ମେଲାଉଛି କୋରୋନା । ବଲିଉଡରୁ ଆରମ୍ଭ କରି ଟିଭି ଇଣ୍ଡଷ୍ଟ୍ରିର ଅନେକ କଳାକାର ଏବେ କୋରୋନା କବଳରେ । ପ୍ରତିଦିନ ଗୋଟିଏ ପରେ ଗୋଟିଏ ସେଲିବ୍ରିଟି କୋରୋନା ସଂକ୍ରମିତ ହେଉଛନ୍ତି । ଏବେ ଏହି କୋରୋନା ତାଲିକାରେ ସୁଜୈନ୍ ଖାନଙ୍କ ସମେତ ବୀର ଦାସ ଏବଂ ଖୁସି କପୁରଙ୍କ ନାଁ ଯୋଡି ହୋଇଛି। ଏହି ତିନି ଜଣଙ୍କର କୋରୋନା ରିପୋର୍ଟ ପଜିଟିଭ ଆସିଛି ଏବଂ ସମସ୍ତେ ହୋମ କ୍ବାରେଣ୍ଟାଇନରେ ଅଛନ୍ତି ।
- " class="align-text-top noRightClick twitterSection" data="
">
ସୁଜୈନ୍ ଖାନ୍ କୋରୋନା ସମ୍ପର୍କରେ ସୂଚନା ଦେଇ ଲେଖିଛନ୍ତି, କାଲି ରାତିରେ ମୋର କୋରୋନା ରିପୋର୍ଟ ପଜିଟିଭ ଆସିଛି । ଦୟାକରି ସମସ୍ତେ ସୁରକ୍ଷିତ ରୁହନ୍ତୁ ଏବଂ ନିଜର ଧ୍ୟାନ ନିଅନ୍ତୁ । ସେହିପରି ବୀର ଦାସ ତାଙ୍କ ପୋଷ୍ଟରେ କହିଛନ୍ତି, ତାଙ୍କଠାରେ ସାମାନ୍ୟ ଲକ୍ଷଣ ରହିଛି ଏବଂ ସେ ଘରେ ଆଉସୋଲେଟ୍ ଅଛନ୍ତି ।
- " class="align-text-top noRightClick twitterSection" data="
">
ଅର୍ଜୁନ କପୁର, ଅଂଶୁଲା କପୁର ଏବଂ ରିୟା କପୁରଙ୍କ ପରେ ଏବେ କପୁର ପରିବାରରୁ ଖୁସି କପୁର କୋରୋନା ସଂକ୍ରମିତ ହୋଇଛନ୍ତି । ଖୁସି କପୁର ବର୍ତ୍ତମାନ ହୋମ କ୍ବାରେଣ୍ଟାଇନରେ ଅଛନ୍ତି । ଏହା ସହିତ ବୋନି କପୁର ଏବଂ ଜାହ୍ନବୀ କପୁର ନିଜକୁ ଘରେ ଆଉସୋଲେଟ୍ କରିଛନ୍ତି । ବର୍ତ୍ତମାନ ଜାହ୍ନବୀ କପୁରଙ୍କ କୋରୋନା ଟେଷ୍ଟ ରିପୋର୍ଟ ସାମ୍ନାକୁ ଆସିନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
