ମୁମ୍ବାଇ: ‘ବିକ୍କୀ ଡୋନର’ ଅଭିନେତ୍ରୀ ୟାମୀ ଗୌତମଙ୍କୁ ନେଇ ନୂଆ ଖବର ସାମ୍ନାକୁ ଆସିଛି । ଯାହା ଶୁଣି ଖୁସି ହୋଇଯିବେ ତାଙ୍କ ଫ୍ୟାନ୍ସ । ଖୁବଶୀଘ୍ର ତାଙ୍କ ଆଗାମୀ ଫିଲ୍ମ ‘ଏ ଥ୍ରର୍ସଡେ’ ଓଟିଟି ପ୍ଲାଟଫର୍ମରେ ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । କୋରୋନା ପ୍ରକୋପ ପାଇଁ ଦେଶରେ ସିନେମାହଲ ବନ୍ଦ ଥିବାରୁ ଫିଲ୍ମ ମେକର୍ସ ଧିରେ ଧିରେ କରି ନିଜ ଫିଲ୍ମ ଡିଜିଟାଲ ପ୍ଲାଟଫର୍ମରେ ରିଲିଜ କରିବାରେ ଲାଗିଛନ୍ତି । ଏଯାବତ ଅନେକ ଫିଲ୍ମ ଓଟିଟି ପ୍ଲାଟଫର୍ମରେ ଦେଖିସାରିଲେଣି ଦର୍ଶକ । ଏହି କ୍ରମରେ ସାମିଲ ଅଛି ଅମିତାଭ ବଚ୍ଚନ ଓ ଆୟୁଷ୍ମାନ ଖୁରାନାଙ୍କ ଫିଲ୍ମ ‘ଗୁଲାବୋ-ସିତାବୋ’, ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ ‘ଦିଲ ବେଚାରା’, ‘ଶକୁନ୍ତଳା ଦେବୀ’, ‘ଖୁଦା ହାଫିଜ’, ‘ସଡକ 2’ ଭଳି ଦମଦାର ଫିଲ୍ମ ।
ସେହିପରି ୟାମୀଙ୍କ ଅଭିନୀତ ଏହି ଫିଲ୍ମକୁ ଓଟିଟି ପ୍ଲାଟଫର୍ମରେ ଆସନ୍ତା ବର୍ଷ ଦେଖିପାରିବେ ଦର୍ଶକ । ଫିଲ୍ମର ନିର୍ଦ୍ଦେଶନା ଦାୟିତ୍ବ ବେହଜାଦ ଖାମ୍ବାତା ତୁଲାଇଥିବା ବେଳେ ପ୍ରଯୋଜନା କରିଛନ୍ତି ରୋନି ସ୍କ୍ରୁୱାଲା ଓ ପ୍ରେମନାଥ ରାଜଗୋପାଲ ।
- " class="align-text-top noRightClick twitterSection" data="
">
ଫିଲ୍ମରେ ୟାମୀ ଜଣେ ପ୍ଲେସ୍କୁଲ ଶିକ୍ଷତ୍ରୀ ରୂପେ ଅଭିନୟ କରୁଥିବାର ଦେଖାଯିବେ । ଡିଜିଟାଲ ପ୍ଲାଟଫର୍ମରେ ରିଲିଜ ହେବାର ସୂଚନା ଦେଇ ଫେମସ ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରେ ଲେଖିଛନ୍ତି,‘ୟାମୀ ଗୌତମଙ୍କ ଆଗାମୀ ଫିଲ୍ମ ଏ ଥ୍ରର୍ସଡେ ଡିଜିଟାଲ ପ୍ଲାଟଫର୍ମରେ ରିଲିଜ ହେବା ଘୋଷଣା କରିଛନ୍ତି ମେକର୍ସ ।’
ପ୍ରକାଶ ଥାଉକି ୟାମୀ ଏହି ଫିଲ୍ମ ବ୍ୟତୀତ ଚର୍ଚ୍ଚିତ ଫିଲ୍ମ ‘ଭୂତ୍ ପୋଲିସ’ରେ ମଧ୍ୟ ସାମିଲ ହୋଇଛନ୍ତି । ତାଙ୍କ ସହ ଏହି ଫିଲ୍ମରେ ପୱାନ କରପାଲାନି, ସୈଫ ଅଲ୍ଲୀ ଖାନ, ଅଲ୍ଲୀ ଫଜଲ, ଫତିମା ସନା ସୈଖ ଓ ଅର୍ଜୁନ କପୁର ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
