ମୁମ୍ବାଇ: ଚୁଲବୁଲ ଅଭିନେତ୍ରୀ ସାରା ଅଲ୍ଲୀ ଖାନ ସବୁବେଳେ ନିଜ ଚୁଲବୁଲି ଅନ୍ଦାଜ ପାଇଁ ସମସ୍ତଙ୍କ ଫେଭରେଟ ସାଜିଥାଆନ୍ତି। ବର୍ତ୍ତମାନ ଲକଡାଉନ ପାଇଁ ସେ ମା' ଓ ଭାଇଙ୍କ ସହ ଘରେ ସମୟ ବିତାଉଛନ୍ତି । ଆଉ ଫ୍ୟାନ୍ସଙ୍କ ସହ କନେକ୍ଟ ରହିବା ପାଇଁ ସୋସିଆଲ ମିଡିଆରେ ଅନେକ ଜିନିଷ ସେୟାର କରିବାରେ ଲାଗିଛନ୍ତି । ସେ ଭାଇ ଇବ୍ରାହିମ ଅଲ୍ଲି ଖାନଙ୍କ ସହ ମିଶି ଫନ୍ନି ଭିଡିଓ ତିଆରି କରି ସମସ୍ତଙ୍କୁ ହସାଉଛନ୍ତି ମଧ୍ୟ। ଏବେ ସେ ପୁଣିଥରେ ଇନଷ୍ଟାଗ୍ରାମ ପୋଷ୍ଟକୁ ନେଇ ଚର୍ଚ୍ଚାରେ। ଯାହାପରେ ହ୍ୟାଣ୍ଡସମ ଆକ୍ଟର ବରୁଣ ଧୱନଙ୍କ ମଜାଦାର କମେଣ୍ଟ ଦେଖିବାକୁ ମିଳୁଛି।
- " class="align-text-top noRightClick twitterSection" data="
">
ସାରା ନିଜର ଗ୍ରାଜୁଏଶନର କିଛି ଫଟୋ ସେୟାର କରିଛନ୍ତି। ଯାହା 4 ବର୍ଷ ପୁରୁଣା ଫଟୋ। ସେ କଲମ୍ବିଆ ବିଶ୍ବବିଦ୍ୟାଳୟର ଛାତ୍ରୀ । ତାଙ୍କ ଏହି ଫଟୋ ଉପରେ କମେଣ୍ଟ କରି ବରୁଣ ଲେଖିଛନ୍ତି, ‘ଏଯାବତ ତୁମେ ଯେତେ ଫଟୋ ସେୟାର କରିଛ। ସେଥି ମଧ୍ୟରୁ ଏହା ସର୍ବଶ୍ରେଷ୍ଠ।’ ବରୁଣଙ୍କ ଏହି କମେଣ୍ଟକୁ 10 ହଜାରରୁ ଅଧିକ ଲାଇକ୍ସ ମିଳିସାରିଲାଣି।
ବରୁଣ ମଧ୍ୟ ଇନଷ୍ଟାଗ୍ରାମରେ ଏକ ମୋନୋକ୍ରୋମ ଫଟୋ ସେୟାର କରିଥିଲେ। ଯେଉଁଥିରେ ସେ କ୍ୟାମେରାକୁ ଦେଖୁଥିବାର ନଜର ଆସୁଛନ୍ତି। ଆଉ ଏହାର କ୍ୟାପସନରେ ଲେଖିଛନ୍ତି, ‘ସେକ୍ସ ଅନ ଫାୟର।’ ପ୍ରକାଶ ଥାଉକି ସାରା-ବରୁଣ ଖୁବଶୀଘ୍ର କମେଡି ଡ୍ରାମା ଫିଲ୍ମ ‘କୁଲି ନଂ 1’ରେ ନଜର ଆସିବେ । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ବରୁଣଙ୍କ ପିତା ତଥା ନିର୍ମାତା ଡେଭିଡ ଧୱନ । ଏହା ଗୋବିନ୍ଦା ଓ କରିସ୍ମା କପୁରଙ୍କ ସୁପରଡୁପର ହିଟ୍ ଫିଲ୍ମ ‘କୁଲି ନଂ 1’ର ରିମେକ ।
