ମୁମ୍ବାଇ: ଖିଲାଡି ଅକ୍ଷୟ କୁମାରଙ୍କ ବହୁ ଚର୍ଚ୍ଚିତ ମଲ୍ଟି ଷ୍ଟାରର କମେଡି ଫିଲ୍ମ ‘ହାଉସଫୁଲ 4’ର ଜବରଦସ୍ତ ଟ୍ରେଲର ରିଲିଜ ହୋଇଯାଇଛି । ଟ୍ରେଲର ଦେଖି ଦର୍ଶକଙ୍କ ଉତ୍ସାହ ଆହୁରି ବଢିଗଲାଣି । ଦୀପାବଳି ଅବସରରେ ରିଲିଜ ହେବାକୁ ଯାଉଛି ଏହି ଫିଲ୍ମ । ଇତିମଧ୍ୟରେ ତାଙ୍କ ପତ୍ନୀ ତଥା ଅଭିନେତ୍ରୀ ଏବଂ ଲେଖିକା ଟ୍ବିଙ୍କଲ ଖନ୍ନା ତାଙ୍କୁ ନେଇ ବଡ କଥା କହିଛନ୍ତି । ଯାହାଶୁଣି ଆଶ୍ଚର୍ଯ୍ୟ ତାଙ୍କ ଫ୍ୟାନ୍ସ ।
ଏକ ସାକ୍ଷାତକାରରେ ଯୋଗ ଦେଇ ଟ୍ବିଙ୍କଲ କହିଥିଲେ କି ସେ କେବେ ମଧ୍ୟ ଅକ୍ଷୟଙ୍କୁ ନିର୍ଦ୍ଦେଶିତ କରିବାକୁ ଚାହୁଁନାହାଁନ୍ତି । ସେ ଅକ୍ଷୟଙ୍କ ବାସ୍ତବ ଜୀବନରେ ନିର୍ଦ୍ଦେଶିକା ହୋଇ ଖୁସି ଅଛନ୍ତି । ତେବେ ସେ ଚାହୁଁନାହାଁନ୍ତି ଅକ୍ଷୟଙ୍କ କୌଣସି ବି ଫିଲ୍ମରେ ନିର୍ଦ୍ଦେଶନା ଦେବାକୁ ।
ସେ ସ୍ବାମୀଙ୍କୁ ରିୟଲ ଲାଇଫକୁ ନିର୍ଦ୍ଦେଶିତ କରୁଛନ୍ତି । ତେଣୁ ରିଲ ଲାଇଫରେ ନିର୍ଦ୍ଦେଶନା ଦାୟିତ୍ବ ତୁଲାଇ ପାରିବେ ନାହିଁ ବୋଲି କହିଛନ୍ତି । ପ୍ରକାଶ ଥାଉକି ଟ୍ବିଙ୍କଲ ଖୁବଶୀଘ୍ର ନିଜର ନୂଆ ୱେବ ସିରିଜ ନେଇ ଡିଜିଟାଲ ଦୁନିଆରେ ନଜର ଆସିବେ । ଯାହାର ଟାଇଟଲ ସେ ‘ଟ୍ବିକ’ ରଖିଛନ୍ତି । ଏହି ୱେବସାଇଟ ମଧ୍ୟମରେ ସେ ନିଜ ପ୍ରଶଂସକଙ୍କ ନିକଟତର ହୋଇପାରିବେ ଆଉ ତାଙ୍କ ସହ ସମ୍ପୃକ୍ତ ମଧ୍ୟ ।
