ମୁମ୍ବାଇ: ଲୋକପ୍ରିୟ ଅଭିନେତ୍ରୀ ତବ୍ବୁ ଦୁଇ ବର୍ଷ ପୂର୍ବେ ଏକ ସାକ୍ଷାତକାରରେ ସିଙ୍ଗଲ ହେବାର କାରଣ ଅଜୟ ଦେବଗନଙ୍କ ନାମ ନେଇଥିଲେ । କିନ୍ତୁ ଏବେ ସେ ଆଉ ଏକ ଅଭିନେତାଙ୍କ ଉପରେ ଫିଦା ବୋଲି ଚର୍ଚ୍ଚା ଜୋର ଧରିଛି । ସେହି ଅଭିନେତାଙ୍କ ସେନ୍ସ ଅଫ ହ୍ୟୁମର ତାଙ୍କୁ ଖୁବ୍ ଆକର୍ଷିତ କରୁଛି । ତେବେ ଆସନ୍ତୁ ଜାଣିବା ସେହି ଅଭିନେତାଙ୍କ ବିଷୟରେ...
ଏଠାରେ ଆମେ ଆଉ କାହା ବିଷୟରେ ନୁହେଁ ବଲିଉଡର ଛୋଟେ ନୱାବ ସୈଫ ଅଲ୍ଲୀ ଖାନଙ୍କ ବିଷୟରେ କଥା ହେଉଛୁ । ତବ୍ବୁ କହିଛନ୍ତି କି ସୈଫଙ୍କ ପାଖରେ ମୋଷ୍ଟ ଆମୋଜିଂ ସେନ୍ସ ଅଫ ହ୍ୟୁମର ଅଛି । ସେ ଏହି କଥାର ଖୁଲାସା ଏକ ସାକ୍ଷାତକାରରେ କରିଥିଲେ ।
ସୈଫ ଚମତ୍କାର ଅଭିନେତା । ଏମିତି ବହୁତ କମ ଲୋକଙ୍କ ପାଖରେ ଦେଖିବାକୁ ମିଳିଥାଏ । ଯାହାଙ୍କ ପାଖରେ ଆଶ୍ଚର୍ଯକର ସେନ୍ସ ଅଫ ହ୍ୟୁମର ରହିଥାଏ । ସେହି ବ୍ୟକ୍ତିଙ୍କ ମଧ୍ୟରୁ ଅନ୍ୟତମ ସୈଫ ବୋଲି କହିଥିଲେ ତବ୍ବୁ ।
ପ୍ରକାଶ ଥାଉକି ‘ଜୱାନୀ ଜାନେମନ’ ଫିଲ୍ମରେ ସୈଫଙ୍କ ସହ ନଜର ଆସିବେ ତବ୍ବୁ । ଏହି ଫିଲ୍ମରେ ଅଭିନେତ୍ରୀ ପୂଜା ବେଦୀଙ୍କ ଲାଡଲି ଆଲିୟା ଡେବ୍ୟୁ କରିବାକୁ ଯାଉଛନ୍ତି । ନିତିନ କକ୍କରଙ୍କ ଦ୍ବାରା ନିର୍ଦ୍ଦେଶିତ ଏହି ରୋମାଣ୍ଟିକ ଫିଲ୍ମର ସୁଟିଂ ବର୍ତ୍ତମାନ ଜୋରୋସୋରରେ ଚାଲିଛି ।
