ମୁମ୍ବାଇ: ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାରେ ଏଯାବତ ମୁମ୍ବାଇ ପୋଲିସ ତାଙ୍କ ସହ ସମ୍ପୃକ୍ତ ଥିବା 28 ଜଣ ଲୋକଙ୍କ ବୟାନ ରେକର୍ଡ କରିସାରିଲାଣି । ଏହି କ୍ରମରେ ସାମିଲ ଅଛନ୍ତି ତାଙ୍କ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ରିଆ ଚକ୍ରବର୍ତ୍ତୀ, ମ୍ୟାନେଜର ଓ କିଛି ବନ୍ଧୁ ସମେତ ପରିବାର ସଦସ୍ୟ । ଇତିମଧ୍ୟରେ ସୁଶାନ୍ତଙ୍କ ମୃତ୍ୟୁ ସହ ସମ୍ପୃକ୍ତ ଏକ ବଡ ଖବର ସାମ୍ନାକୁ ଆସିଛି । ଯାହାକୁ ନେଇ ସମସ୍ତେ ଆଶ୍ଚର୍ଯ୍ୟ ।
କଥାଟି ହେଲା ଯେ ସୁଶାନ୍ତଙ୍କ ଫରେନ୍ସିକ ରିପୋର୍ଟରେ ଖୁଲାସା ହୋଇଛି ଆତ୍ମହତ୍ୟାର କିଛି ସମୟ ପୂର୍ବରୁ ସେ ଗୁଗଲରେ ନିଜ ବିଷୟରେ ସର୍ଚ୍ଚ କରିଥିଲେ । ଆଉ ନିଜର କିଛି ଆର୍ଟିକଲ ମଧ୍ୟ ପଢିଥିଲେ ।
ରିପୋର୍ଟରେ କୁହାଯାଇଛି ଯେ 14 ତାରିଖ ସକାଳେ 10.15 ଘଟିକାରେ ସେ ଗୁଗଲରେ ନିଜ ନାମ ସର୍ଚ୍ଚ କରିଥିଲେ । ଯାହା ବର୍ତ୍ତମାନ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
ପ୍ରକାଶ ଥାଉକି ବୁଧବାର ସୁଶାନ୍ତଙ୍କ ଭିସରା ରିପୋର୍ଟ ମଧ୍ୟ ସାମ୍ନାକୁ ଆସିଯାଇଛି । ଯେଉଁଥିରେ କୁହାଯାଇଛି ତାଙ୍କ ଶରୀରରେ କୌଣସି ରାସାୟନିକ ପଦାର୍ଥ କିମ୍ବା ବିଷାକ୍ତ ପଦାର୍ଥ ମିଳି ନାହିଁ ।
