ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ବଲିଉଡ ଫିଲ୍ମ ଇଣ୍ଡଷ୍ଟ୍ରିକୁ ଚକିତ କରିଛି । ଏଯାବତ ତାଙ୍କ ମୃତ୍ୟୁକୁ ନେଇ ଶୋକର ଛାୟା ସବୁ ମହଲରେ ଦେଖିବାକୁ ମିଳୁଛି । ସୁଶାନ୍ତ ଅନେକ ଫେମସ କଳାକାରଙ୍କ ସହ କାମ କରିଥିଲେ । ଏହି କ୍ରମରେ ସାମିଲ ଅଛନ୍ତି ଲୋକପ୍ରିୟ ଅଭିନେତା ମନୋଜ ବାଜପେୟୀ । ଗତ ବର୍ଷ ରିଲିଜ ହୋଇଥିବା ‘ସୋନ ଚିରୈୟା’ରେ ଏକାଠି ନଜର ଆସିଥିଲେ ଏହି ଦୁଇ ଅଭିନେତା ।
ଇତିମଧ୍ୟରେ ସୁଶାନ୍ତଙ୍କ ମୃତ୍ୟୁରେ ଦୁଃଖ ପ୍ରକାଶ କରିଛନ୍ତି ମନୋଜ । ସେ ନିକଟରେ ନିର୍ମାତା ଶେଖର କପୁରଙ୍କ ଇନଷ୍ଟାଗ୍ରାମ ଲାଇଭ ଜରିଆରେ ସୁଶାନ୍ତଙ୍କୁ ନେଇ ଅନେକ କଥା କହିଥିଲେ । ଆଉ ନିକଟରେ ଦୁନିଆ ଛାଡି ଚାଲିଯାଇଥିବା ଅଭିନେତା ଇରଫାନ ଖାନ ଓ ଋଷି କପୁରଙ୍କୁ ନେଇ ମଧ୍ୟ ଦୁଃଖ ପ୍ରକାଶ କରିଥିଲେ ।
ସେ କହିଥିଲେ ଯେ ସୁଶାନ୍ତ ସ୍ପେସ୍, ଆକାଶ ଗଙ୍ଗା, ଜ୍ୟୋତିର୍ବିଜ୍ଞାନ, ବ୍ରହ୍ମାଣ୍ଡ, କ୍ବାୱଣ୍ଟମ ଫିଜିକ୍ସ ଭଳି ଅନେକ ଗମ୍ଭୀର ପ୍ରସଙ୍ଗରେ ରୁଚି ରଖୁଥିଲେ । କେବଳ ଏତିକି ନୁହେଁ, ସେ ଏହି ବିଷୟଗୁଡ଼ିକ ଉପରେ ଅନେକ ବହି ମଧ୍ୟ ପଢୁଥିଲେ । ସେ ଏକ ଆଡଭାନ୍ସ ଟେଲିସ୍କୋପ କିଣିଥିଲେ । ଯାହାଦ୍ବାରା ସେ ଆକାଶକୁ ସବୁବେଳେ ଦେଖୁଥିଲେ । ସେ ପଜିଟିଭ ବ୍ୟକ୍ତି ଥିଲେ । ହେଲେ ତାଙ୍କ ଆତ୍ମହତ୍ୟାକୁ ବିଶ୍ବାସ କରିହେଉନାହିଁ ।
ପ୍ରକାଶ ଥାଉକି ମନୋଜ ଏବେ ମଧ୍ୟ ଚାହୁଁଛନ୍ତି ବଲିଉଡକୁ ଏହି ଫେମସ ଅଭିନେତା ସୁଶାନ୍ତ, ଇରଫାନ ଓ ଋଷି ପୁଣି ଫେରିଆସନ୍ତୁ ବୋଲି ।
