ମୁମ୍ବାଇ: ବମ୍ବେ ହାଇକୋର୍ଟଙ୍କ ନିର୍ଦ୍ଦେଶ ବିରୋଧରେ ବଲିଉଡ ଅଭିନେତା ସୋନୁ ସୁଦ ଆବେଦନ କରିଥିବା ଯାଚିକାର ଶୁକ୍ରବାର ଦିନ ଶୁଣାଣି କରିବେ ସୁପ୍ରିମକୋର୍ଟ । ଜୁହୁରେ ଥିବା ତାଙ୍କ ଆବାସିକ ବିଲ୍ଡିଂରେ ବେଆଇନ ନିର୍ମାଣ ନେଇ ସୋନୁଙ୍କୁ ମିଳିଥିବା ନୋଟିସକୁ ଚ୍ୟାଲେଞ୍ଜ କରି ସର୍ବୋଚ୍ଚ ନ୍ୟାୟାଳୟର ଦ୍ବାରସ୍ଥ ହୋଇଥିଲେ ସୋନୁ । ତେବେ ମୁଖ୍ୟ ବିଚାରପତି ଏସ.ଏ ବୋବଡେ, ଜଷ୍ଟିସ୍ ଏସ୍ ବୋପାନ୍ନା ଏବଂ ଭି ରାମାସୁବ୍ରମଣ୍ୟାନ୍ ମିଳିତ ଖଣ୍ଡପୀଠ ସୁଦଙ୍କ ଆବେଦନର ଶୁଣାଣି କରିବେ।
ମହାରାଷ୍ଟ୍ର ଆଞ୍ଚଳିକ ଓ ସହର ବିକାଶ 1966 ଓ ଧାରା 43 ଆଧାରରେ ସୋନୁ ନିର୍ମାଣଧୀନ କାମ ବନ୍ଦ ରଖିଥିବା ତାଙ୍କ ଆବେଦନରେ କହିଛନ୍ତି । ସେପଟେ ସୋନୁଙ୍କ ଓକିଲ ଗତବର୍ଷ ଅକ୍ଟୋବରରେ ବ୍ରିହାନମୁମ୍ବାଇ ମ୍ୟୁନିସିପାଲିଟି କର୍ପୋରେସନ୍ (ବିଏମସି) ଜାରି ନୋଟିସର ଜବାବ ଦେବାକୁ 10 ସପ୍ତାହ ସମୟ ମାଗିଥିଲେ ଏବଂ ଭାଙ୍ଗିବା କାର୍ଯ୍ୟ ଆରମ୍ଭ ନକରିବାକୁ ହାଇକୋର୍ଟଙ୍କୁ ଅନୁରୋଧ କରିଥିଲେ।
ପ୍ରକାଶ ଥାଉକି ଅଭିନେତା ବିନା ଅନୁମତିରେ ନିଜ 6 ମହଲା ବିଶିଷ୍ଟ ବିଲ୍ଡିଂକୁ ହୋଟେଲରେ ପରିଣତ କରିଥିବା ଅଭିଯୋଗ କରି ବିଏମସି ସୋନୁଙ୍କୁ ନୋଟିସ ଦେଇଥିଲା ।
@IANS
