ମୁମ୍ବାଇ: 'ରାମ କୀ ଜନ୍ମଭୂମି' ଫିଲ୍ମର ପ୍ରଦର୍ଶନ ଉପରେ ରୋକ ଲଗାଇବାକୁ ସମସ୍ତ ଆବେଦନକୁ ଖାରଜ କରିଛନ୍ତି ଉଚ୍ଚତମ ନ୍ୟାୟାଳୟ । ଏହି ଫିଲ୍ମ ମାର୍ଚ୍ଚ 29ରେ ପୁରା ଦେଶର ସିନେମା ଘରେ ପ୍ରଦର୍ଶିତ ହେବାକୁ ଯାଉଛି । ଫିଲ୍ମ ପ୍ରଦର୍ଶନ ଉପରେ ରୋକ ଲଗାଇବା ଦାବି କରାଯାଇଥିବା ଯାଚିକାରେ ନ୍ୟାୟମୂର୍ତ୍ତି ଏସ.ଏ ବୋବଡେଙ୍କ ଅଧ୍ୟକ୍ଷତାରେ ଗଠିତ ହୋଇଥିବା ଏକ ଖଣ୍ଡପୀଠରେ ସମୀକ୍ଷା ହୋଇଛି । ଯାଚିକାକର୍ତ୍ତା ଦାବି କରିଥିଲେ କି ଫିଲ୍ମ ପ୍ରଦର୍ଶିତ ହେବାରୁ ଅଯୋଧ୍ୟା ଭୂମି ବିବାଦରେ ଜାରିଥିବା ମଧ୍ୟସ୍ଥତା ପ୍ରକ୍ରିୟା ଉପରେ ପ୍ରଭାବ ପଡିବ ।
ଖଣ୍ଡପୀଠରେ କୁହାଯାଇଛି ଯେ, ମଧ୍ୟସ୍ଥତା ପ୍ରକ୍ରିୟା ଏବଂ ଫିଲ୍ମ ପ୍ରଦର୍ଶନ ମଧ୍ୟରେ କୌଣସି ସମ୍ପର୍କ ନାହିଁ । ଏହାସହ ପୀଠରେ ଯାଚିକା ଉପରେ ଦୁଇ ସପ୍ତାହ ପରେ ଶୁଣାଣି କରାଯିବ । 'ରାମ କୀ ଜନ୍ମଭୂମି' ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ସନୋଜ ମିଶ୍ରା । ଫିଲ୍ମର କାହାଣୀ ବିବାଦୀୟ ରାମ ମନ୍ଦିର ପ୍ରସଙ୍ଗ ଉପରେ ଆଧାରିତ ହୋଇଛି।
ଏହା ପୂର୍ବରୁ ଦିଲ୍ଲୀ ଉଚ୍ଚ ନ୍ୟାୟାଳୟରେ ଏପରି ଆଉ ଏକ ଯାଚିକାର ଶୁଣାଣି ହୋଇ ବୁଧବାର କୁହାଯାଇଥିଲା ଯେ, ସମ୍ବିଧାନ ଅନୁଯାୟୀ ସ୍ବାଧୀନତାର ଗ୍ୟାରେଣ୍ଟିକୁ ଠିକ୍ ରୂପେ ରଖିବା ପାଇଁ ଲୋକଙ୍କୁ ସହିଷ୍ଣୁ ହେବାକୁ ପଡିବ ।
ଅଦାଲତ ଏହି ଟିପ୍ପଣୀ ୟାକୁବ ହବିବୁଦ୍ଦିନ ତୁସୀ ନାମକ ବ୍ୟକ୍ତିଙ୍କ ଯାଚିକା ଶୁଣାଣି ସମୟରେ କହିଛନ୍ତି । ନିଜକୁ ମୋଗଲ ବାଦଶାହ ବାହାଦୂର ଶାହ ଜଫରର ବଂଶ କହୁଥିବା ତୁସୀ ଫିଲ୍ମ 'ରାମ କୀ ଜନ୍ମଭୂମି'ର ରିଲିଜ ଉପରେ ରୋକ ଲଗାଇବାକୁ ଅନୁରୋଧ କରିଛନ୍ତି ।
