ମୁମ୍ବାଇ: ଆଜି ସକାଳୁ ବଲିଉଡକୁ ବଡ ଝଟକା ଲାଗିଛି । କାରଣ ଦୁନିଆ ଛାଡି ଚାଲିଯାଇଛନ୍ତି ଫେମସ ମ୍ୟୁଜିକ କମ୍ପୋଜର ୱାଜିଦ ଖାନ । ଯାହାକୁ ନେଇ ଦୁଃଖି ସମସ୍ତେ । ମାତ୍ର 42 ବର୍ଷରେ ମତ୍ୟୁ ବରଣ କରିଥିବା ୱାଜିଦ ସୁପରଷ୍ଟାର ସଲମାନ ଖାନଙ୍କ ଫିଲ୍ମ ‘ଦବଙ୍ଗ’ ଓ ‘ଟାଇଗର ଜିନ୍ଦା’ଭଳି ସୁପରଡୁପର ହିଟ୍ ଫିଲ୍ମରେ ମ୍ୟୁଜିକର ତଡକା ଲଗାଇଥିଲେ । ତାଙ୍କ ଦେହାନ୍ତରେ ଅମିତାଭ ବଚ୍ଚନ, ଅକ୍ଷୟ କୁମାର, ପ୍ରିୟଙ୍କା ଚୋପ୍ରା, ସୋନୁ ନିଗମ, ମିକା ସିଂ ଭଳି କଳାକାର ଶୋକ ପ୍ରକାଶ କରିଛନ୍ତି । ଆଉ ଏବେ ୱାଜିଦଙ୍କ ଫେଭରେଟ ଆକ୍ଟର ସଲମାନଙ୍କ ଶୋକଭରା ଟ୍ବିଟ ସାମ୍ନାକୁ ଆସିଛି ।
ସେ ଟ୍ବିଟ କରି ଲେଖିଛନ୍ତି, ‘ୱାଜିଦ ମୁଁ ତୁମକୁ ଜଣେ ମଣିଷ ପରି ସର୍ବଦା ଭଲପାଇବି, ତୁମକୁ ସମ୍ମାନ କରିବି, ତୁମକୁ ମନେ ପକାଇବି ଏବଂ ତୁମକୁ ବହୁତ ମିସ କରିବି । ଏପରିକି ତୁମର ପ୍ରତିଭାକୁ ମଧ୍ୟ ମନେ ରଖିବି । ତୁମର ସୁନ୍ଦର ଆତ୍ମା କୁ ସର୍ବଦା ପ୍ରେମ ଆଉ ଶାନ୍ତି ମିଳୁ ।’
ପ୍ରକାଶ ଥାଉକି ଛାତିରେ ଯନ୍ତ୍ରଣା ଅନୁଭବ କରିବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଯେଉଁଠାରେ ସେ ଶେଷ ନିଶ୍ବାସ ତ୍ୟାଗ କରିଥିଲେ ।
