ମୁମ୍ବାଇ: ଆକ୍ସନ ଅଭିନେତା ସନ୍ନି ଦେଓଲଙ୍କ କ୍ୟାରିୟର ହିଟ୍ ଫିଲ୍ମ ଯେବେ ମଧ୍ୟ କଥା ପଡିଥାଏ, ତେବେ 'ଗଦର' ଫିଲ୍ମର ନାମ ସର୍ବପ୍ରଥମେ ଆସିଥାଏ । ଏମିତି ଏକ ପ୍ରେମ କାହାଣୀ ଯାହା ଦର୍ଶକଙ୍କ ହୃଦୟରେ ସ୍ଥାନ କରିବାରେ ସଫଳ ହୋଇଥିଲା । ଏମିତି ଦେଶଭକ୍ତି ଯାହା ଦର୍ଶକଙ୍କ ରକ୍ତ ଗରମ କରିଦେଇଥିଲା । ଏମିତି ଗୀତ ଯାହା ଆଜି ମଧ୍ୟ ଦର୍ଶକଙ୍କ ପାଟିରେ ଶୁଣିବାକୁ ମିଳୁଛି । ସେହିପରି ଫିଲ୍ମର ଜବରଦସ୍ତ ଆକ୍ସନ ସନ୍ନିଙ୍କୁ ପୁଣି ବଲିଉଡରେ ଆକ୍ସନ ହିରୋ ସାବ୍ୟସ୍ତ କରିଦେଇଥିଲା ।
ଏହି ଫିଲ୍ମକୁ ନେଇ ଏବେ ଚର୍ଚ୍ଚା ଚଲିଛି ଯେ ଖୁବ୍ ଶୀଘ୍ର ଫିଲ୍ମ ସିକ୍ବେଲର ଘୋଷଣା ହୋଇପାରେ । ଏହାସହ ଶୁଣିବାକୁ ମିଳୁଛି ଯେ ନିର୍ଦ୍ଦେଶକ ଅନିଲ ଶର୍ମା ଓ ସନ୍ନି 'ଗଦର' ଏବଂ 'ଅପନେ'ର ସିକ୍ବେଲ ଫିଲ୍ମ ତିଆରି କରିବାରୁ ଏକାଠି ହାତ ମିଶାଇପାରନ୍ତି । କିନ୍ତୁ ଏହାର ଘୋଷଣା ଏଯାବତ ହୋଇନାହିଁ ।
ପ୍ରକାଶ ଥାଉକି ସନ୍ନି ଏହି ସମୟରେ ନିଜର ଅପକମିଂ ଫିଲ୍ମ ଫିଲ୍ମ 'ବ୍ଲାଙ୍କ'ର ପ୍ରମୋଶନରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ମଧ୍ୟ ଦମଦାର ଆକ୍ସନ ସିନ ରହିଅଛି । ଫିଲ୍ମଟି ଖୁବ୍ ଶୀଘ୍ର ରିଲିଜ ହେବାକୁ ଯାଉଛି ।
