ମୁମ୍ବାଇ: ମହାରାଷ୍ଟ୍ର ସରକାର ନିକଟରେ ରାଜ୍ୟରେ ଚଳଚ୍ଚିତ୍ର ପ୍ରେକ୍ଷାଳୟ ଖୋଲିବାକୁ ଅନୁମତି ଦେଇଛନ୍ତି । 2022ରେ ପରଦାକୁ ଆସିବ ଆରଆରଆର । ଚଳଚ୍ଚିତ୍ର ନିର୍ମାତା ଏସଏସ ରାଜା ମୌଲିଙ୍କ ଆଗାମୀ ଫିଲ୍ମ 'ଆରଆରଆର' ଜାନୁଆରୀ 7, 2022ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ।
ପୂର୍ବରୁ ଏହି ଚଳଚ୍ଚିତ୍ର ଚଳିତ ବର୍ଷ ଦଶହରାରେ ଅକ୍ଟୋବରରେ ରିଲିଜ ହେବାରେ ଥିଲା । କୋରୋନା ଦ୍ବିତୀୟ ଲହର ପାଇଁ ଏହାକୁ ଘୁଞ୍ଚାଇ ଦିଆଯାଇଛି । ଏହି ଚଳଚ୍ଚିତ୍ରରେ ଏନଟିଆର, ରାମଚରଣ, ଆଲିଆ ଭଟ୍ଟ ଓ ଅଜୟ ଦେବଗନ ମୁଖ୍ୟ ଭୂମିକାପରେ ନଜର ଆସିବେ । ଅଜୟ ଦେବଗନ ତାଙ୍କ ଇନଷ୍ଟାଗ୍ରାମରେ ଚାରିଜଣ କଳାକାରଙ୍କୁ ନେଇ ଏକ ସ୍ବତନ୍ତ୍ର ପୋଷ୍ଟର ସେୟାର କରିଛନ୍ତି । କ୍ୟାପସନରେ ରିଲିଜ ତାରିଖ ଲେଖିଛନ୍ତି ।
ଭାରତର ସବୁଠାରୁ ବଡ ଆକ୍ସନ୍ ଡ୍ରାମା ଫିଲ୍ମ ଭାବରେ ଲୋକଙ୍କୁ ମନ ଜିତିବାକୁ ଯାଉଛି ଟ୍ରିପଲ ଆର । ପ୍ରଥମେ ଜୁଲାଇ ୩୦ ୨୦୨୦ରେ ଏହା ରିଲିଜ ହେବାର ଥିଲା ଏନଟିଆର, ରାମଚରଣ ସୁଟିଂରେ ଆଘାତ ଯୋଗୁଁ ତାହା ବିଳମ୍ବ ହୋଇଥିଲା । ଏହା ପରେ ଏହା ଅକ୍ଟୋବରରେ ରିଲିଜ ହେବାକୁ ହେବାକୁ ଧାର୍ଯ୍ୟ ହୋଇଥିଲା । ମାତ୍ର କୋରୋନା ଦ୍ବିତୀୟ ଲହର ବାଧା ସୃଷ୍ଟି କରିଥିଲା ।
ଫିଲ୍ମରେ ଦୁଇ ଜଣ ବିଶିଷ୍ଟ ସ୍ବାଧୀନତା ସଂଗ୍ରାମୀଙ୍କ ଜୀବନୀ ଉପରେ ନିର୍ମିତ ହୋଇଛି । ଅଲୁରୀ ସୀତାରାମା ରାଜୁ ଏବଂ କୋମରାମ ଭୀମଙ୍କ ଜୀବନ ଉପରେ ନିର୍ମିତ ଏହି ଫିଲ୍ମ । ଆକ୍ସନ୍ ଡ୍ରାମା ଚଳଚ୍ଚିତ୍ରଟି ଡିଭିଭି ଏଣ୍ଟରଟେନମେଣ୍ଟ୍ର ଦ୍ବାରା ନିର୍ମିତ ହୋଇଛି । ଚଳଚ୍ଚିତ୍ରରେ ଉଭୟ ବଲିଉଡ ଓ ଟଲିଉଡ ଅଭିନେତାଙ୍କ ଜଲୱା ଦେଖିବାକୁ ମିଳିବ ।
@ANI
