ମୁମ୍ବାଇ: ବଲିଉଡର କିଙ୍ଗଖାନ ଶାହରୁଖ ଖାନଙ୍କ ଏନଜିଓ, ମିର ଫାଉଣ୍ଡେସନ ଛତିଶଗଡକୁ କୋଭିଡ 19 ମହାମାରୀ ବିରୋଧରେ ଲଢିବା ପାଇଁ 2000 ପିପିଇ କିଟ ଯୋଗାଇ ଦେଇଛି ।
ଛତିଶଗଡ କ୍ୟାବିନେଟ ମନ୍ତ୍ରୀ ଟିଏସ ସିଂ ଟ୍ବିଟ କରି ଫ୍ରଣ୍ଟଲାଇନ ଯୋଦ୍ଧାଙ୍କୁ ସାହାଯ୍ୟ କରିଥିବାରୁ ଅଭିନେତାଙ୍କୁ ପ୍ରଶଂସା କରିଛନ୍ତି । ଏହି ସାହାଯ୍ୟ ପାଇଁ ସେ ଶାହରୁଖଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।
ଏହାର ଉତ୍ତରରେ ଶାହରୁଖ କହିଛନ୍ତି ଯେ, "ସାର୍, ଆମ ଭାଇ ଓ ଭଉଣୀମାନଙ୍କୁ ଏହି କଷ୍ଟଦାୟକ ସମୟରୁ ବାହାର କରିବା ପାଇଁ ଯାହା ସମ୍ଭବ ତାହା କରିବାକୁ ଆମେ ଚେଷ୍ଟା କରୁଛୁ । ଏହି ପ୍ରୟାସରେ ଆପଣଙ୍କୁ ଶୁଭେଚ୍ଛା " ।
ଏହାପୂର୍ବରୁ ଶାହରୁଖ ପିଏମ ଫଣ୍ତରେ ମଧ୍ୟ ସହଯୋଗ କରିଥିଲେ । ଶାହାରୁଖଙ୍କୁ ଶେଷ ଥର ପାଇଁ ଫିଲ୍ମ 'ଜିରୋ'ରେ ଦେଖିବାକୁ ମିଳିଥିଲା ।
ନିକଟରେ ଶାହାରୁଖ ଏବଂ କାଜୋଲଙ୍କ ଫିଲ୍ମ 'ଦିଲୱାଲେ ଦୁଲହନିଆ ଲେ ଜାୟେଙ୍ଗେ' ରିଲିଜକୁ 25 ବର୍ଷ ପୂରଣ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
