ହାଇଦ୍ରାବାଦ: ଶ୍ରୀଦେବୀଙ୍କ ବହୁ ଚର୍ଚ୍ଚିତ ଫିଲ୍ମ 'ମମ' ଚାଇନାରେ ରିଲିଜ ହୋଇଛି । ପ୍ରଥମ ଦିନରେ ଅନ୍ଧାଧୁନର 7.28 କୋଟି ବ୍ୟବସାୟ କରିଥିଲା ଯାହାକୁ ଭାଙ୍ଗିଛି 'ମମ' । ପ୍ରାୟ 11.47କୋଟିର ବ୍ୟବସାୟ କରିଛି ଫିଲ୍ମ 'ମମ' ।
ଏହାକୁ ନିଜ ଟ୍ବିଟରରେ ସେୟାର କରିଛନ୍ତି ଚଳଚ୍ଚିତ୍ର ସମୀକ୍ଷକ ତରଣ ଆଦର୍ଶ । ଆୟୁଷମାନ ଖୁରାନାଙ୍କ ଅନ୍ଧାଧୁନ ରିଲିଜର ମାସେ ପରେ ଚାଇନାରେ 'ମମ' ରିଲିଜ ହୋଇଛି ।
ଫିଲ୍ମଟିକୁ ପ୍ରଥମେ ମାର୍ଚ୍ଚ 22ରେ ରିଲିଜ କରାଯିବାର ଥିଲା । ଫିଲ୍ମରେ ନୱାଜୁବ୍ଦିନ ସିଦ୍ଦିକି, ଅକ୍ଷୟ ଖନ୍ନାଙ୍କ ସହ ପାକିସ୍ତାନୀ ଅଭିନେତା ଆଦନ୍ନ ସିଦ୍ଦିକି ଓ ସଜଲ ଆଲ୍ଲିଙ୍କୁ ଦେଖିବାକୁ ମିଳିଥିଲା । ତେବେ 'ମମ' ଫିଲ୍ମ ଶ୍ରୀଦେବୀଙ୍କ ଶେଷ ଚଳଚ୍ଚିତ୍ର ଥିଲା । ଏହାପରେ 2018 ଫେବୃଆରୀରେ ଶ୍ରୀଦେବୀଙ୍କ ଦେହାନ୍ତ ହୋଇଥିଲା ।
ଏହି ଫିଲ୍ମ ପାଇଁ ତାଙ୍କୁ ଦୁଇଟି ଜାତୀୟ ପୁରସ୍କାର ମଧ୍ୟ ମିଳିଛି । ଶ୍ରେଷ୍ଠ ଅଭିନେତ୍ରୀ ଭାବରେ ଶ୍ରୀଦେବୀଙ୍କୁ ଓ ଶ୍ରେଷ୍ଠ ବ୍ୟାକଗ୍ରାଉଣ୍ଡ ମ୍ୟୁଜିକ ପାଇଁ ଏ ଆର ରେହେମାନଙ୍କୁ ଏହି ପୁରସ୍କାର ମିଳିଥିଲା। ତେବେ ଫିଲ୍ମଟି ପୋଲାଣ୍ଡ, ରୁଷିଆ, ଲଣ୍ଡନ, ସିଙ୍ଗାପୁରରେ ମଧ୍ୟ ରିଲିଜ ହୋଇଥିଲା ।
