ମୁମ୍ବାଇ: ସାଉଥର ଲୋକପ୍ରିୟ ଅଭିନେତ୍ରୀ ରଶ୍ମିକା ମନ୍ଦାନା ଖୁବଶୀଘ୍ର ହିନ୍ଦୀ ସିନେମା ଜଗତରେ ପାଦ ରଖିବାକୁ ଯାଉଛନ୍ତି । ସେ ମିଶନ ମଜନୁ ଜରିଆରେ ବଲିଉଡରେ ଡେବ୍ୟୁ କରିବେ । ଗତ ବର୍ଷ ଏହି ଫିଲ୍ମକୁ ନେଇ ଖୁବ୍ ଚର୍ଚ୍ଚା ହୋଇଥିଲା । ଯେଉଁଥିରେ ତାଙ୍କ ସହ ରୋମାନ୍ସ କରିବେ ହ୍ୟାଣ୍ଡସମ ଆକ୍ଟର ସିଦ୍ଧାର୍ଥ ମଲହୋତ୍ରା । ଇତିମଧ୍ୟରେ ଫିଲ୍ମ ସୁଟିଂକୁ ନେଇ ସାମ୍ନାକୁ ଆସିଛି ନୂଆ ଖବର ।
ଶୁଣିବାକୁ ମିଳୁଛି ସିଦ୍ଧାର୍ଥଙ୍କ ସହ ସୁଟିଂ କରିବା ପାଇଁ ଲକ୍ଷ୍ନୌ ଯାତ୍ରା କରିବେ ରଶ୍ମିକା । ମାର୍ଚ୍ଚ 4ରେ ଆରମ୍ଭ ହେବ ସୁଟିଂ । ଏହି ଫିଲ୍ମ 1970 ଦଶକର ପ୍ରକୃତ ଘଟଣା ଦ୍ବାରା ଅନୁପ୍ରାଣିତ । ଯାହା ପାକିସ୍ତାନରରେ ଏକ ଭାରତୀୟ ମିଶନର କାହାଣୀ। ଏହି ଫିଲ୍ମଟି ପରଭେଜ ଶେଖଙ୍କ ଦ୍ବାରା ଲିଖିତ ଏବଂ ଚଳିତ ବର୍ଷ ଶେଷରେ ରିଲିଜ କରିବା ପାଇଁ ଯୋଜନା କରିଛନ୍ତି ମେକର୍ସ।
ପ୍ରକାଶ ଥାଉକି ରଶ୍ମିକା ତେଲୁଗୁ ଫିଲ୍ମ ଗୀତା ଗୋବିନ୍ଦମ ଓ ସରିଲ୍ଲୁ ନିକେୱରୁ ଭଳି ସୁପରହିଟ୍ ଫିଲ୍ମରେ ଅଭିନୟ କରି ଲୋକପ୍ରିୟ ସାଜିଛନ୍ତି । ଏଯାବତ ତାଙ୍କୁ ଅନେକ ଫିଲ୍ମରେ ଦେଖିବାକୁ ମିଳିସାରିଛି ।
