ମୁମ୍ବାଇ: ଗତ ବର୍ଷରୁ ଦେଶବାସୀଙ୍କ ସେବା କରି ଆସୁଥିବା ଅଭିନେତା ସୋନୁ ସୁଦଙ୍କ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ । ଏଥର ତାଙ୍କୁ କଲର୍ସ ଟିଭିର ଡାନ୍ସ ରିୟାଲିଟି ଶୋ ‘ଡାନ୍ସ ଦିୱାନେ 3’ରେ ଦେଖିବାକୁ ମିଳିବ। ସେ ଏହି ଶୋର ଜଜ୍ ଭୂମିକାରେ ଦେଖାଯିବେ । ଧକ୍ ଧକ୍ ଗାର୍ଲ ମାଧୁରୀ ଦୀକ୍ଷିତଙ୍କ ସ୍ଥାନରେ ତାଙ୍କୁ ରିପ୍ଲେସ କରାଯାଇଛି ।
ସେପଟେ କୋରୋନା ମହାମାରୀ ପାଇଁ ମହାରାଷ୍ଟ୍ରରେ ଲକଡାଉନ ପ୍ରକ୍ରିୟା ଆରମ୍ଭ ହୋଇଯାଇଛି । ଏମିତି ପରିସ୍ଥିତିରେ ମୁମ୍ବାଇରେ ସବୁ ସୁଟିଂକୁ ସ୍ଥଗିତ ରଖାଯାଇଛି । ଆଉ ଏବେ ଅଧିକାଂଶ ଶୋର ସୁଟିଂ ମୁମ୍ବାଇ ବାହାରେ କରୁଛନ୍ତି ମେକର୍ସ । ଏହି କ୍ରମରେ ସାମିଲ ଅଛି ‘ଡାନ୍ସ ଦିୱାନେ 3’ ।
ଯାହାର ସୁଟିଂ ପୂର୍ବରୁ ମୁମ୍ବାଇରେ ଚାଲିଥିଲା । ହେଲେ ଏବେ ଲକଡାଉନ ହେତୁ ଶୋର ସୁଟିଂ ବେଙ୍ଗାଲୁରୁକୁ ସିଫ୍ଟ କରିଦିଆଯାଇଛି । ଶୋ ପାଇଁ ମାଧୁରୀ ସଙ୍ଗେ ସଙ୍ଗେ ବେଙ୍ଗାଲୁରୁ ଯିବାକୁ ପ୍ରସ୍ତୁତି ନଥିବାରୁ ସୋନୁଙ୍କୁ ଏହି ଅଫର ଦେଇଥିଲେ ମେକର୍ସ ।
ସେହିପରି ପାଖାପାଖି ଦୁଇ ସପ୍ତାହ ପର୍ଯ୍ୟନ୍ତ ମାଧୁରୀ ଏହି ଶୋର କାମ କରିବେ ନାହିଁ । ସୋନୁଙ୍କ ସହ ବେଲି ଡାନ୍ସର ନୋରା ଫତେହୀଙ୍କୁ ମଧ୍ୟ ଶୋରେ ଦେଖିବାକୁ ମିଳିବ । ନିକଟରେ ଶୋର ନୂଆ ପ୍ରୋମୋ ଭିଡିଓ ମଧ୍ୟ ରିଲିଜ କରାଯାଇଥିଲା ।
