ମୁମ୍ବାଇ: ପ୍ରାୟତଃ ସୋସିଆଲ ମିଡିଆରେ ଅଭିନେତା ଓ ଅଭିନେତ୍ରୀଙ୍କୁ ଟ୍ରୋଲର୍ସ ନିଜର ଟାର୍ଗେଟ କରିଥାଆନ୍ତି । ଯେଉଁଠାରେ କିଛି ଷ୍ଟାର ଏହାକୁ ଷ୍ଟାରଡମର ଅଂଶ ମାନୁଛନ୍ତି ତ, ସେହିଠାରେ କିଛି ଷ୍ଟାର୍ସ ଟ୍ରୋଲର୍ସଙ୍କୁ କଡା ଜବାବ ଦେଇଥିବାର ନଜର ଆସିଥାଆନ୍ତି । ଅନଲାଇନରେ ଅନେକ ଫ୍ୟାନ୍ସ ଏପରି ମଧ୍ୟ ଅଛନ୍ତି ଯିଏ ସୋସିଆଲ ମିଡିଆରେ ନିଜ ନିଜ ଫେଭରେଟ ଷ୍ଟାର୍ସଙ୍କୁ ପ୍ରପୋଜ ମଧ୍ୟ କରିଦେଇଥାଆନ୍ତି । ଏହାକୁ ନେଇ ବର୍ତ୍ତମାନ ଅଭିନେତ୍ରୀ ସୋନାକ୍ଷୀ ସିହ୍ନାଙ୍କ ପ୍ରତିକ୍ରିୟା ଶୁଣିବାକୁ ମିଳୁଛି ।
ଅରଜାବ ଖାନଙ୍କ ନୂଆ ଶୋରେ ସୋନାକ୍ଷୀ ଏହି ପ୍ରସଙ୍ଗ ଉପରେ ଜବାବ ରଖିଥିଲେ । 'ଦବଙ୍ଗ' ଫିଲ୍ମରେ ଅଭିନୟ ଜରିଆରେ ସେ ସମସ୍ତଙ୍କୁ ନିଜର ଘାଇଲା କରିଦେଇଛନ୍ତି । ତାଙ୍କୁ ଆଦୌ ପସନ୍ଦ ନୁହେଁ କି ତାଙ୍କୁ କେହି ଅନଲାଇନ ପ୍ରପୋଜ କରନ୍ତୁ ।
ସେ ଶୋରେ କହିଥିଲେ କି ଯଦି କେହି ତାଙ୍କୁ ଅନଲାଇନ ପ୍ରପୋଜ କରିବାକୁ ଚେଷ୍ଟା କରିବେ, ତେବେ ସେ ତାଙ୍କୁ ନିହାତି ଚାପୁଡା ମାରିବେ । ଏହାପରେ ଶୋର ହୋଷ୍ଟ ଅରବାଜ୍ ମସ୍ତି ଅନ୍ଦାଜରେ କହିଥିଲେ କି ତେବେ ସୋନାକ୍ଷୀଙ୍କୁ ଅନଲାଇନ ନୁହେଁ ସାମ୍ନାରେ ଆସି ଲାଇନ ମାରନ୍ତୁ ।
