ମୁମ୍ବାଇ: ବି-ଟାଉନର ଡିଭା ସୋନମ କପୁରଙ୍କ ଜନ୍ମଦିନ ଆସନ୍ତା ରବିବାର ପାଳନ ହେବ । କିନ୍ତୁ ଏବେ ଠାରୁ ତାଙ୍କ ବର୍ଥଡେ ସେଲିବ୍ରେଶନ ଆରମ୍ଭ ହୋଇଯାଇଛି । ଏକ ଫ୍ୟାସନ ମାଗାଜିନ ସୁଟ ପରେ ସେଟରେ ସୋନମଙ୍କ ପ୍ରୀ-ବର୍ଥଡେ ସେଲିବ୍ରେଟ କରିଥିଲେ କ୍ରୁ ମେମ୍ବର । ନିଜ ବର୍ଥଡେ କେକ କାଟି ସମସ୍ତଙ୍କୁ ଧନ୍ୟବାଦ ଜଣାଇଲେ ସୋନମ ।
ଜଣାଇ ଦେଉଛୁ ଯେ ସୋନମ ବିବାଦୀୟ ବୟାନ ଏବଂ ଷ୍ଟାଇଲ ସେନ୍ସ ପାଇଁ ସବୁବେଳେ ଚର୍ଚ୍ଚାରେ ରହିଥାଆନ୍ତି । ତାଙ୍କ ଜନ୍ମ ଜୁନ 9 ତାରିଖ 1985 ମସିହାରେ ମୁମ୍ବାଇରେ ହୋଇଥିଲା । ତାଙ୍କ ପିତାଙ୍କୁ ଅବା କିଏ ନଜାଣିଛନ୍ତି । ବି-ଟାଉନର ମିଷ୍ଟର ଝକାସ ଅନିଲ କପୁର ମଧ୍ୟ ନିଜ ଫିଟନେସକୁ ନେଇ ସବୁବେଳେ ଚର୍ଚ୍ଚାରେ ରହିଥାଆନ୍ତି ।
ନିକଟରେ ରିଲିଜ ହୋଇଥିବା ଫିଲ୍ମ ଏକ 'ଲଡ଼କି କୋ ଦେଖା ତୋ ଐସା ଲାଗା'ରେ ପ୍ରଥମଥର ବାପା-ଝିଅ ଏକାଠି ନଜର ଆସିଥିଲେ ।
ପ୍ରକାଶ ଥାଉକି ସୋନମ ଅଭିନେତା ରଣବୀର କପୁରଙ୍କ ସହ ଫିଲ୍ମ 'ସାୱାରିୟାଂ' ଜରିଆରେ ବଲିଉଡରେ ପଦାର୍ପଣ କରିଥିଲେ । ଫିଲ୍ମଟିକୁ ନିର୍ଦ୍ଦେଶିତ କରିଥିଲେ ପପୁଲାର ଫିଲ୍ମ ନିର୍ମାତା ସଞ୍ଜୟ ଲୀଲା ଭଂସାଲୀ । ଅନ୍ୟପଟେ ରଣବୀର ମଧ୍ୟ ଏହି ଫିଲ୍ମରେ ଡେବ୍ୟୁ କରିଥିଲେ ।
ଅଭିନୟ ପୂର୍ବରୁ ସୋନମ, ସଞ୍ଜୟଙ୍କ ଫିଲ୍ମ 'ବ୍ଲାକ'ରେ ଆସିଷ୍ଟ କରିସାରିଛନ୍ତି । ସେହି ସମୟରେ ସଞ୍ଜୟ ତାଙ୍କୁ 'ସାୱାରିୟାଂ' ପାଇଁ ଆପ୍ରୋଚ କରିଥିଲେ ।
