ହାଇଦ୍ରାବାଦ: ନିକଟରେ ରିଲିଜ ହୋଇଛି ଶାହିଦ କପୁରଙ୍କ ବହୁ ପ୍ରତିକ୍ଷିତ ଫିଲ୍ମ କବୀର ସିଂହ । ଫିଲ୍ମର କାହାଣୀରେ ଜଣେ ମେଡିକାଲ ଛାତ୍ର ପ୍ରେମରେ ଧୋକା ଖାଇବା ପରେ କିପରି ନିଜକୁ ବରବାଦ କରୁଛି, ସେ ନେଇ ଫିଲ୍ମର କାହାଣୀ । ତେବେ ଫିଲ୍ମକୁ ନେଇ ଫ୍ୟାନ୍ସଙ୍କଠାରୁ ଭଲ ପ୍ରତିକ୍ରିୟା ମିଳିଥିବା ବେଳେ ସୋନା କିନ୍ତୁ ଏନେଇ ନେଗେଟିଭ ପ୍ରତିକ୍ରିୟା ଦେଇଛନ୍ତି ।
ଏଭଳି ଚରିତ୍ରରେ ଅଭିନୟ କରି ସମାଜକୁ ଭୁଲ ପଥରେ ଯିବାକୁ ଶାହିଦ ପ୍ରୋତ୍ସାହନ କରୁଛନ୍ତି ବୋଲି କହିଛନ୍ତି ସୋନା ମହାପାତ୍ର । ଜଣେ ଦାୟିତ୍ବବାନ ବ୍ୟକ୍ତି ହୋଇ ଶାହିଦ ଏପରି ଭୂମିକାରେ ନଜର ଆସିବା ଲଜ୍ଜାର ବିଷୟ ବୋଲି ମଧ୍ୟ କହିଛନ୍ତି ସୋନା ।
ଅନ୍ୟପକ୍ଷେ ‘ନ୍ୟାସନାଲ ଓମେନ କମିସନର’ର ମୁଖ୍ୟ ରେଖା ଶର୍ମାଙ୍କୁ ମଧ୍ୟ ଟାର୍ଗେଟ କରିଛନ୍ତି । ରେଖା ଜଣେ ମହିଳା ସଂଗଠନର ମୁଖ୍ୟ ହୋଇ କିଭଳି ଏହି ଭଳି ଫିଲ୍ମକୁ ପସନ୍ଦ କରୁଛନ୍ତି ବୋଲି ପ୍ରଶ୍ନ କରିଛନ୍ତି ସୋନା ।
ପ୍ରକାଶଥାଉକି, ଫିଲ୍ମ କବୀର ସିଂହ 2017ରେ ରିଲିଜି ହୋଇଥିବା ତେଲୁଗୁ ଫିଲ୍ମ ‘ଅର୍ଜୁନ ରେଡ୍ଡି’ର ରିମେକ । ଫିଲ୍ମରେ ଶାହିଦଙ୍କ ଲେଡି ଲଭ ସାଜିଛନ୍ତି କିୟାରା ଆଡଭାନି । ଫିଲ୍ମଟି ରିଲିଜ ପରେ ଦର୍ଶକଙ୍କଠୁ କାଫି ଭଲ ପ୍ରତିକ୍ରିୟା ମିଳିବା ସହ ଶାହିଦଙ୍କ ଅଭିନୟକୁ ମଧ୍ୟ ପସନ୍ଦ କରିଛନ୍ତି । ପ୍ରଥମ ଦିନରେ ପ୍ରାୟ 20.21କୋଟି ରୋଜଗାର କରିଛି ଫିଲ୍ମ ।
