ମୁମ୍ବାଇ: ଫେମସ ଅଭିନେତା ସିଦ୍ଧାନ୍ତ ଚତୁର୍ବେଦୀ ନିଜ ଡେବ୍ୟୁ ଫିଲ୍ମ ‘ଗଲି ବୟ’ରେ ଛୋଟ ରୋଲରେ ଅଭିନୟ କରି ସମସ୍ତଙ୍କୁ ଆକର୍ଷିତ କରିଥିଲେ । ଆଉ ଦୀର୍ଘ ସମୟରୁ ତାଙ୍କ ଆଗାମୀ ଫିଲ୍ମ ‘ବଣ୍ଟି ଔର ବବଲି-2’କୁ ନେଇ ଉତ୍ସାହିତ ଫ୍ୟାନ୍ସ ।
ଆଗାମୀ ସମୟରେ ସିଦ୍ଧାନ୍ତ ଶକୁନ ବତ୍ରାଙ୍କ ପରବର୍ତ୍ତୀ ଚଳଚ୍ଚିତ୍ରରେ ଦୀପିକା ପାଦୁକୋନଙ୍କ ସହ ସ୍କ୍ରିନ୍ ସେୟାର କରିବାକୁ ଯାଉଛନ୍ତି । ଅବଶ୍ୟ, ତାଙ୍କ କ୍ୟାରିୟର ଯେଉଁଭଳି ଭାବରେ ଆଗକୁ ବଢିଚାଲିଛି ସ୍ୱାଭାବିକ ଭାବରେ ସେ ବହୁତ ଖୁସି ଅଛନ୍ତି । ଯେତେବେଳେ ସିଦ୍ଧାନ୍ତଙ୍କୁ ତାଙ୍କ କାର୍ଯ୍ୟର ଆଗାମୀ କାର୍ଯ୍ୟସୂଚୀ ବିଷୟରେ ସେ କିପରି ଅନୁଭବ କରନ୍ତି ପଚରାଗଲା ।
ସିଦ୍ଧାନ୍ତ IANS କୁ କହିଛନ୍ତି, ‘ବଣ୍ଟି ଔର ବବଲି-2’ରେ ଅଭିନୟ କରି ମୁଁ ବହୁତ ଖୁସି ଅଟେ । ମୁଁ ଭାବୁଛି ଏହି ମହାମାରୀ ପରେ ଏହି ଚଳଚ୍ଚିତ୍ର ସହିତ ସବୁକିଛି ଠିକ୍ ହୋଇଯିବ । ଏହି ଚଳଚ୍ଚିତ୍ରଟି ଏକ ପାରିବାରିକ ଚଳଚ୍ଚିତ୍ର । ସେ ଏହି ଚଳଚ୍ଚିତ୍ରରେ ରାନୀ ମୁଖାର୍ଜୀ, ସୈଫ ଅଲି ଖାନ ଏବଂ ପଙ୍କଜ ତ୍ରିପାଠୀଙ୍କ ଭଳି ଅଭିନେତାଙ୍କ ସହ କାମ କରିବାର ସୁଯୋଗ ପାଇଥିବାରୁ ସେ ବହୁତ ଖୁସି ଅଛନ୍ତି ।
ସେ ଆହୁରି କହିଥିଲେ, ବର୍ତ୍ତମାନ ମୁଁ ଶକୁନ ବତ୍ରାଙ୍କ ପରବର୍ତ୍ତୀ ଚଳଚ୍ଚିତ୍ରରେ ଦୀପିକା ପାଦୁକୋନଙ୍କ ଏବଂ ଅନନ୍ୟା ପାଣ୍ଡେଙ୍କ ସହ କାମ କରି ବହୁତ ଖୁସି । ଏହା ଏକ ଭଲ ଫିଲ୍ମ । ଶକୁନ୍ ଜଣେ ବହୁତ ଭଲ ନିର୍ଦ୍ଦେଶକ ଅଟନ୍ତି । ମୁଁ ଏହାକୁ ସୁଟିଂ କରିବା ସମୟରେ ବହୁତ ଉପଭୋଗ କରିଥିଲି । ଏହି ଚଳଚ୍ଚିତ୍ର ବହୁତ ମଜାଦାର ହେବାକୁ ଯାଉଛି । ଦୀପିକାଙ୍କ ସହିତ ଅଭିନୟ କରିବାକୁ ପ୍ରତ୍ୟେକ ପୁଅଙ୍କ ପାଇଁ ଏକ ସ୍ୱପ୍ନ । କିନ୍ତୁ, ମୁଁ ଦୀପିକାଙ୍କ ସହିତ କାମ କରିବାର ସୁଯୋଗ ପାଇଥିବାରୁ ବହୁତ ଖୁସି । ଏହା ଏକ ରୋମାଣ୍ଟିକ୍ ଥ୍ରୀଲର ଚଳଚ୍ଚିତ୍ର ।
ନିକଟରେ, ସିଦ୍ଧାନ୍ତ ତାଙ୍କର ଏକ ନୂଆ ଟ୍ରାକ ଧୂପ୍ ରିଲିଜ କରିଥିଲେ । ଯାହାକୁ ପ୍ରଶଂସକଙ୍କ ସମେତ ସମସ୍ତ ବଲିଉଡ ସେଲିବ୍ରିଟିମାନେ ବହୁତ ପ୍ରଶଂସା କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
