ମୁମ୍ବାଇ: ବଲିଉଡରେ ଏମିତି ଅନେକ ଅଭିନେତ୍ରୀ ଅଛନ୍ତି ଯିଏ ବିଦେଶୀ ପାର୍ଟନର ଚୟନ କରି ବିବାହ ମଧ୍ୟ କରିସାରିଛନ୍ତି । ନିକଟରେ ବି-ଟାଉନର ଦେଶୀ ଗର୍ଲ ଏହି ତାଲିକାରେ ସାମିଲ ହୋଇଥିଲେ ପ୍ରିୟଙ୍କା ଚୋପ୍ରା । ଫିଲ୍ମ ଇଣ୍ଡଷ୍ଟ୍ରିରେ ପ୍ରେମ ଯେତେ ଶୀଘ୍ର ହୋଇଥାଏ ତା ଠାରୁ କମ ସମୟରେ ଷ୍ଟାର୍ସଙ୍କ ବ୍ରେକଅଫର ଖବର ଶୁଣିବାକୁ ମିଳିଥାଏ ।
ଏହି କ୍ରମରେ ସାମ୍ନାକୁ ଆସିଛି ସାଉଥର ଲୋକପ୍ରିୟ ଅଭିନେତ୍ରୀ ଶୃତି ହାସନଙ୍କ ନାମ । ସେ ଦୀର୍ଘ ସମୟରୁ ନିଜର ବିଦେଶୀ ବୟଫ୍ରେଣ୍ଡ ମାଇକେଲ କାର୍ସେଲଙ୍କୁ ଡେଟ କରିଆସୁଥିଲେ । କିନ୍ତୁ ଏବେ ଏହି ରିଲେସନଶିପରେ ଫୁଲଷ୍ଟପ ଲାଗିଛି । ଶୁଣିବାକୁ ମିଳୁଛି ଯେ ଶୃତି, ମାଇକେଲଙ୍କ ସହ ବ୍ରେକଅପ କରିନେଇଛନ୍ତି ।
ବ୍ରେକଅପ ପୂର୍ବରୁ ଶୃତି ସୋସିଆଲ ମିଡିଆରେ ମାଇକଲଙ୍କ ସହ ଅନେକ ଫଟୋ ସେୟାର କରିଥିଲେ । କିନ୍ତୁ ଏବେ ସେହି ଫଟୋ ମଧ୍ୟ ସେ ସୋସିଆଲ ମିଡିଆରୁ ଡିଲିଟ କରିଦେଇଛନ୍ତି ।
