ନୂଆଦିଲ୍ଲୀ: ମେ 22ରେ ପୁତ୍ର ସନ୍ତାନର ମା’ ହୋଇଥିଲେ ଗାୟିକା ଶ୍ରେୟା ଘୋଷାଲ । ଯାହାକୁ ନେଇ ତାଙ୍କ ପରିବାରରେ ଖୁସିର ଲହରୀ ଖେଳିଯାଇଥିଲା । ସେ ନିଜେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଏହି ଖୁସି ଖବର ଫ୍ୟାନ୍ସଙ୍କ ସହ ସେୟାର କରିଥିଲେ ।
ଏବେ ସେ ପ୍ରଶଂସକଙ୍କ ପାଇଁ ପୁଅର ପ୍ରଥମ ଫଟୋ ସେୟାର କରିଛନ୍ତି । ଶ୍ରେୟା ଏବଂ ତାଙ୍କ ସ୍ବାମୀ ଶିଲାଦିତ୍ୟ ମଧ୍ୟ ପୁଅର ନାମକରଣ ଖବର ପ୍ରଶଂସକଙ୍କୁ ସୂଚନା ଦେଇଛନ୍ତି । ଦୁହେଁ ପୁଅର ନାଁ ରଖିଛନ୍ତି ଦେବୟାନ ମୁଖୋପାଧ୍ୟାୟ ।
ଟ୍ବିଟରରେ ଶ୍ରେୟା ସେୟାର କରିଥିବା ଫଟୋରେ ପୁଅକୁ କୋଳରେ ଧରିଥିବା ଦେଖିବାକୁ ମିଳିଥିବାବେଳେ ଶିଲାଦିତ୍ୟ ମଧ୍ୟ ପୁଅକୁ ସ୍ନେହଭରା ଅନ୍ଦାଜରେ ଦେଖୁଥିବାର ନଜର ଆସିଛନ୍ତି । ଶ୍ରେୟା ଟ୍ବିଟରେ ଲେଖିଛନ୍ତି, ଦେବୟାନ ମୁଖୋପାଧ୍ୟାୟ 22 ମେ ରେ ଆସି ଆମ ଜୀବନକୁ ସବୁଦିନ ପାଇଁ ବଦଳାଇ ଦେଇଛନ୍ତି । ପୁଅର ପ୍ରଥମ ଝଲକ ।
ପ୍ରକାଶ ଥାଉ ଯେ, ଶ୍ରେୟା ତାଙ୍କ ପୁଅର ନାଁ ଦେବୟାନଙ୍କ ରଖିଛନ୍ତି । ଏହାର ଅର୍ଥ ଦେବତା ମାନଙ୍କ ରଥ ।
