ମୁମ୍ବାଇ: ସୁନ୍ଦରୀ ଅଭିନେତ୍ରୀ ଶ୍ରଦ୍ଧା କପୁର ବର୍ତ୍ତମାନ ନିଜର ଆଗାମୀ ଫିଲ୍ମ ‘ଷ୍ଟ୍ରିଟ ଡାନ୍ସ 3ଡି’ ପ୍ରମୋଶନରେ ଖୁବ୍ୟ ବ୍ୟସ୍ତ । ଏହି ଫିଲ୍ମରେ ତାଙ୍କ ସହ ରୋମାନ୍ସ କରୁଥିବାର ନଜର ଆସିବେ ବରୁଣ ଧୱନ । ଏମାସ 24 ତାରିଖରେ ରିଲିଜ ହେବାକୁ ଯାଉଛି ଏହି ଫିଲ୍ମ । ଇତିମଧ୍ୟରେ ଶ୍ରଦ୍ଧାଙ୍କୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ଯାହାକୁ ନେଇ ସେ ପୁଣି ଚର୍ଚ୍ଚାରେ । ଶ୍ରଦ୍ଧା ନିଜ ଆୟରେ ପିତା ତଥା ଅଭିନେତା ଶକ୍ତି କପୁରଙ୍କୁ ମହଙ୍ଗା ଉପହାର ଦେଇଛନ୍ତି ।
ନିକଟରେ ଶ୍ରଦ୍ଧା ପିତାଙ୍କୁ 1.3 କୋଟି ଟଙ୍କାର ଉପହାର ଦେଇଥିଲେ । ସେ ଶକ୍ତିଙ୍କୁ ମୁମ୍ବାଇ ଜୁହୁରେ ଥିବା 1.3 କୋଟି ଟଙ୍କାର ଏକ ସମ୍ପତ୍ତି ଦେଇଛନ୍ତି । ଏହାର 50 ପ୍ରତିଶତ ସେ ପିତାଙ୍କ ନାମରେ କରିଦେଇଛନ୍ତି । ଏହି ସମ୍ପତ୍ତିର ମାଲିକ ସାଜିଥିବା ଶକ୍ତି ବର୍ତ୍ତମାନ ଏହାକୁ ଲିଜ ରୂପେ ଦେଇସାରିଛନ୍ତି ।
ପ୍ରକାଶ ଥାଉକି ଗତ ବର୍ଷ ରିଲିଜ ହୋଇଥିବା ଶ୍ରଦ୍ଧାଙ୍କ ମଲ୍ଟି ଷ୍ଟାରର ଫିଲ୍ମ ‘ଛିଛୋରେ’ ବକ୍ସ ଅଫିସରେ ଶାନଦାର କଲେକ୍ସନ କରି ସୁପରହିଟ୍ ହୋଇଥିଲା । ଫିଲ୍ମରେ ତାଙ୍କ ସହ ହ୍ୟାଣ୍ଡସମ ଆକ୍ଟର ସୁଶାନ୍ତ ସିଂ ରାଜପୁତ ନଜର ଆସିଥିଲେ । ଆଉ ଏବେ ସେ ନିଜ ଅପକମିଂ ଫିଲ୍ମ ‘ଷ୍ଟ୍ରିଟ ଡାନ୍ସର 3ଡି’ରୁ ନେଇ ଖୁବ୍ ଉତ୍ସାହିତ ।
