ନୂଆଦିଲ୍ଲୀ: ଦବଙ୍ଗ ବଏ ସଲମାନ ଖାନଙ୍କ ଫ୍ୟାନ୍ସ ପାଇଁ ଖୁସି ଖବର ସାମ୍ନାକୁ ଆସିଛି । ନିଜର ଆଗାମୀ ଫିଲ୍ମ 'ଦବଙ୍ଗ-3'ର ସୁଟିଂରେ ବ୍ୟସ୍ତ ଥିବା ସଲମାନ ଶେଷ କରିଛନ୍ତି ଫିଲ୍ମର ପପୁଲାର ଟ୍ରାକ 'ହୁଡ୍ ହୁଡ ଦବଙ୍ଗ'ର ସୁଟିଂ । ଯାହାକୁ ନେଇ ଉତ୍ସାହିତ ଫ୍ୟାନ୍ସ ।
ସଲମାନ ଏହାର ସୂଚନା ଟ୍ବିଟର ଆକାଉଣ୍ଟରେ ଫ୍ୟାନ୍ସକୁ ଦେଇଛନ୍ତି । ସେ ଗୀତର ଏକ ପୋଷ୍ଟର ସେୟାର କରି କ୍ୟାପସନରେ ଲେଖିଛନ୍ତି, "#dabangg3....@arbaazSkhan@PDdancing@Nikil Dwivedi."
ସଲମାନଙ୍କ ଏହି ଟାଇଟଲ ଗୀତଟି ପୂର୍ବରୁ ହିଁ ସୁପରଡୁପର ହିଟ୍ ହେବା ସହ ଫ୍ୟାନ୍ସଙ୍କ ଓଠରେ ସବୁବେଳେ ରହିଥାଏ । ଏହାର ଓରିଜିନାଲ ଗୀତଟିକୁ ଫେମସ ଗାୟକ ସୁକବିନ୍ଦର ସିଂହ ଏବଂ ୱାଜିଦ ଅଲ୍ଲୀ ଗାଇଥିଲେ । ଯାହା 2010ରେ 'ଦବଙ୍ଗ' ଫିଲ୍ମରେ ଦେଖିବାକୁ ମିଳିଥିଲା ।
'ଦବଙ୍ଗ-3' ଫିଲ୍ମଟି ସଲମାନଙ୍କ 'ଦବଙ୍ଗ' ଫ୍ରାଞ୍ଚାଇଜର ତୃତୀୟ ସଂସ୍କରଣ । ଅନ୍ୟପଟେ ସଲମାନଙ୍କ ଭାଇ ଅର୍ଥାତ୍ ଅଭିନେତା ଅରବାଜ ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଥିଲେ । ପୂର୍ବ ଫିଲ୍ମ ପରି ଏହି ଫିଲ୍ମରେ ମଧ୍ୟ ସଲମାନ ଓ ସୋନାକ୍ଷୀ ସିହ୍ନା ମୁଖ୍ୟ ଭୂମିକାରେ ନଜର ଆସିବେ ।
କିଛି ଦିନ ହେବ ଫିଲ୍ମର ସୁଟିଂ ମଧ୍ୟ ପ୍ରଦେଶରେ ଆରମ୍ଭ ହୋଇଛି । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ଅଭିନେତା, କୋରିଓଗ୍ରାଫର ପ୍ରଭୁଦେବା । ଫିଲ୍ମଟି ଅରବାଜଙ୍କ ପ୍ରଡକ୍ସନ ହାଉସରେ ତିଆରି ହୋଇଛି ।
ଅନ୍ୟପଟେ ସୋନାକ୍ଷୀ ବର୍ତ୍ତମାନ ନିଜର ବହୁ ପ୍ରତିକ୍ଷିତ ଫିଲ୍ମ 'କଲଙ୍କ'ର ପ୍ରମୋଶନରେ ଖୁବ୍ ବ୍ୟସ୍ତ ଅଛନ୍ତି । ସେହିପରି ସଲମାନ ନିଜର ଆଗାମି ଫିଲ୍ମ 'ଭାରତ'ର ସୁଟିଂରେ ଖୁବ୍ ବ୍ୟସ୍ତ ଅଛନ୍ତି । ଯାହା ଏବର୍ଷ ଇଦରେ ରିଲିଜ ହେବ ।
