ମୁମ୍ବାଇ: ଟ୍ରେଣ୍ଡି ହେୟାରକଟ କରି ଚର୍ଚ୍ଚାରେ ଅଭିନେତ୍ରୀ ଶିଳ୍ପା ସେଟ୍ଟୀ କୁନ୍ଦ୍ରା । ସେ ଅଣ୍ଡରକଟ ହେୟାରକଟ୍ କରି ସୋସିଆଲ ମିଡ଼ିଆରେ ଏହାର ଏକ ଭିଡ଼ିଓ ସେୟାର କରିଛନ୍ତି । ଏହି ହେୟାରକଟ୍ ସମୟରେ ହେୟାର ଷ୍ଟାଇଲିସ ଅବଦଲୁ ୱାହିଦ ବେଶ ଭୟଭୀତ ହୋଇପଡ଼ିଥିବା ଶିଳ୍ପା ନିଜ ଭିଡ଼ିଓ ସେୟାର କରି କହିଛନ୍ତି ।
- " class="align-text-top noRightClick twitterSection" data="
">
ସେ ଏହି ଟ୍ରେଣ୍ଡି ହେୟାରକଟର ଭିଡ଼ିଓକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ସେ କ୍ୟାପସନରେ ଲେଖିଛନ୍ତି ଯେ, "ଏହା କିପରି ଘଟିଲା । ୱାହିଦ ମୋ ଠାରୁ ଅଧିକ ଭୟଭୀତ ଥିଲେ । " ଏହି ଭିଡିଓଟି ସେୟାର କରିବା ପରେ ଶିଳ୍ପାଙ୍କ କମେଣ୍ଟ ସେକ୍ସନ ଫ୍ୟାନ୍ସଙ୍କ କମେଣ୍ଟରେ ଭରି ଯାଇଥିବା ଦେଖିବାକୁ ମିଳିଛି । ସେ ଏପରି ହେୟାରକଟ କାହିଁକି କଲେ ବୋଲି କିଛି ଫ୍ୟାନ୍ସ ପ୍ରଶ୍ନ କରିଛନ୍ତି ।
ଶିଳ୍ପା ଏହି ହେୟାରକଟ କ'ଣ ପାଇଁ କରିଛନ୍ତି ସେ ସମ୍ପର୍କରେ ସେ ସ୍ପଷ୍ଟ କରିନାହାନ୍ତି । ତେବେ ଏପରି ହେୟାରକଟ କରିବା ପଛରେ ତାଙ୍କର କିଛି ନିର୍ଦ୍ଦିଷ୍ଟ କାରଣ ଥାଇପାରେ ବୋଲି କିଛି ଫ୍ୟାନ୍ସ କମେଣ୍ଟ କରିଛନ୍ତି । ତେବେ ଶିଳ୍ପାଙ୍କ କାମ ସମ୍ପର୍କରେ ଆଲୋଚନା କଲେ ସେ ବର୍ତ୍ତମାନ ଡ୍ୟାନ୍ସ ଶୋ' Super Dancer 4 ଜଜ୍ ଭାବେ କାର୍ଯ୍ୟ କରୁଛନ୍ତି । ଏହାପରେ ସେ India's Got Talentରେ ମଧ୍ୟ ଜଜ୍ ଭାବେ ନଜର ଆସିବେ । ଏଥିରେ ଅନ୍ୟ ଜଜ୍ ଭାବେ ମ୍ୟୁଜିସିଆନ ବାଦଶାହ ମଧ୍ୟ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
