ହାଇଦ୍ରାବାଦ: ଅଭିନେତ୍ରୀ ଶିଳ୍ପା ଶେଟ୍ଟୀ ତାଙ୍କର ଆଗାମୀ ମହିଳା କେନ୍ଦ୍ରିକ ଚଳଚ୍ଚିତ୍ର 'ସୁଖୀ'ର ସୁଟିଂ ଆରମ୍ଭ କରିଛନ୍ତି। ଖୁସି ରୂପରେ ନିଜର ଏକ ଝଲକ ଦେଇ ଶିଳ୍ପା ଇନଷ୍ଟାଗ୍ରାମରେ ଏକ ବୁମେରାଙ୍ଗ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ଏକ କ୍ଲାପବୋର୍ଡ ଧରିଥିବାର ଏବଂ ତାଙ୍କ ପ୍ରଶଂସକଙ୍କୁ ଫିଲ୍ମର ପ୍ରଥମ ସଟ ଶେଷ କରିଥିବା ସୂଚନା ଦେଇଛନ୍ତି ।
ପୋଷ୍ଟର କ୍ୟାପସନ୍ ଦିଆଯାଇଛି, “ଏକ ନୂଆ ଚଳଚ୍ଚିତ୍ର, ଏକ ନୂଆ ଚରିତ୍ର, ଏକ ନୂଆ ଯାତ୍ରା: # ଖୁସି । ପ୍ରଥମେ ସଟ ଶେଷ ହେଲା। ଅନେକ ପ୍ରଶଂସକ ସେଲିବ୍ରିଟିଙ୍କୁ ଶୁଭେଚ୍ଛା ଜଣାଇଛନ୍ତି । ତାଙ୍କ ସାନ ଭଉଣୀ ଶମିତା ଶେଟ୍ଟୀ ଶୁଭେଚ୍ଛା ଜଣାଇ ଲେଖିଛନ୍ତି, “ଅଲ ଦ ବେଷ୍ଟ ମଙ୍କି ।”
- " class="align-text-top noRightClick twitterSection" data="
">
ଫିଲ୍ମର ସୁଟିଂ ପାଇଁ ଶିଳ୍ପା ବୁଧବାର ଚଣ୍ଡିଗଡ଼ ଅଭିମୁଖେ ଯାତ୍ରା କରିଛନ୍ତି । Abundantia Entertainment ଏବଂ T-Series ମହିଳା କେନ୍ଦ୍ରିକ ପ୍ରକଳ୍ପର ନିର୍ମାଣ ପାଇଁ ହାତ ମିଳାଇଛନ୍ତି । ଆଗାମୀ ଚଳଚ୍ଚିତ୍ରଟି ସୋନଲ୍ ଯୋଶୀଙ୍କ ଦ୍ବାରା ନିର୍ଦ୍ଦେଶିତ ହେବ, ଯିଏ ପୂର୍ବରୁ ଧୁମ୍ 3 ଏବଂ ଜବ୍ ହ୍ୟାରି ମେଟ୍ ସେଜଲ ଭଳି ଚଳଚ୍ଚିତ୍ରରେ ସହକାରୀ ନିର୍ଦ୍ଦେଶକ ଭାବେ କାମ କରିଛନ୍ତି ।
ସୂଚନାଯୋଗ୍ୟ ଯେ, ସୁଖୀ ଅତ୍ୟନ୍ତ ଚିତ୍ତାକର୍ଷକ, ଲାଇଟ ହାର୍ଟେଡ ଏବଂ ସ୍ଲାଇସ ଅଫ ଲାଇଫ୍ ଫିଲ୍ମ ଅଟେ । ଏହି ଚଳଚ୍ଚିତ୍ରରେ ଅଭିନେତ୍ରୀ ଶିଳ୍ପା ଶେଟ୍ଟୀ କୁନ୍ଦ୍ରା ଏକ ପ୍ରମୁଖ ଭୂମିକାରେ ନଜର ଆସିବେ । ଫିଲ୍ମର କାଷ୍ଟ ଏବଂ କ୍ରୁ ମାର୍ଚ୍ଚରୁ ପଞ୍ଜାବରେ ଫିଲ୍ମର ସୁଟିଂ ଆରମ୍ଭ କରିଛନ୍ତି । ଫିଲ୍ମର ପୋଷ୍ଟର ବିଷୟରେ କହିବାକୁ ଗଲେ, ଏହା ଦେଖିବାକୁ ମଧ୍ୟ ବହୁତ ଆକର୍ଷଣୀୟ ହୋଇଛି ।
ପୋଷ୍ଟରରେ ଶିଳ୍ପା ଶେଟ୍ଟୀଙ୍କୁ ଏକ ଭିନ୍ନ ଶୈଳୀରେ ଦେଖିବାକୁ ମିଳୁଛି । ଫିଲ୍ମର ପୋଷ୍ଟରରେ ଶିଳ୍ପା ବେଲଣା କାଠି, ଘଣ୍ଟା, ଆଇରନ ଏବଂ ୱାଲେଟ୍ ଧରିଥିବାର ନଜର ଆସିଛନ୍ତି । ସୁଖୀ ତଳେ ନିର୍ଭୀକ, ଲଜ୍ଜାଜନକ ଏବଂ ଅସାବଧାନତା ଲେଖାଯାଇଥିବା ଦେଖାଯାଇଛି, ଯାହା ଦର୍ଶାଏ ଯେ ଶିଳ୍ପାଙ୍କ ଚରିତ୍ର ମଧ୍ୟ ଏମିତି କିଛି ହେବାକୁ ଯାଉଛି । ଲୋକମାନେ ଫିଲ୍ମର ପୋଷ୍ଟରରେ ନିଜର ପ୍ରତିକ୍ରିୟା ଦେବା ଆରମ୍ଭ କରିଛନ୍ତି ।
ଗୁଲସନ କୁମାର ଏବଂ ଟି-ସିରିଜ ଦ୍ବାରା ପ୍ରସ୍ତୁତ ହୋଇଥିବା ଅବୁଦନ୍ତିଆ ଏଣ୍ଟରଟେନମେଣ୍ଟ ପ୍ରଡକ୍ସନ୍ସର ଫିଲ୍ମ ସୁଖୀ ଭୂଷଣ କୁମାର, କୃଷ୍ଣ କୁମାର, ବିକ୍ରମ ମଲହୋତ୍ରା ଏବଂ ଶିଖା ଶର୍ମାଙ୍କ ଦ୍ବାରା ନିର୍ମିତ । ଶିଳ୍ପା ଶେଟ୍ଟୀଙ୍କ ବିଷୟରେ କହିବାକୁ ଗଲେ ତାଙ୍କୁ ଶେଷ ଥର ପାଇଁ 'ହଙ୍ଗାମା ୨' ରେ ଦେଖିବାକୁ ମିଳିଥିଲା। ଯଦିଓ ଚଳଚ୍ଚିତ୍ରଟି ବକ୍ସ ଅଫିସରେ ଫ୍ଲପ୍ ହୋଇଥିଲା, ତଥାପି ଶିଳ୍ପାଙ୍କ ପ୍ରତ୍ୟାବର୍ତ୍ତନକୁ ନେଇ ସମସ୍ତେ ପ୍ରଶଂସା କରିଛନ୍ତି । ଏହା ପରେ ଶିଳ୍ପା ଶେଟ୍ଟୀ ଖୁବ୍ ଶୀଘ୍ର 'ନିକମ୍ମା'ରେ ମଧ୍ୟ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
