ମୁମ୍ବାଇ: ଶୁକ୍ରବାର ଦିନ ଇନଷ୍ଟାଗ୍ରାମରେ ଅଭିନେତ୍ରୀ ଶିଳ୍ପା ସେଟ୍ଟୀ କୁନ୍ଦ୍ରା ଏକ ଭିଡିଓ ସହିତ ଏକ ହୃଦୟସ୍ପର୍ଶୀ ନୋଟ ସେୟାର କରିଛନ୍ତି । ଭିଡିଓରେ ଶିଳ୍ପାଙ୍କ ମା ସୁନନ୍ଦା ଶେଟ୍ଟୀ ଭଗବାନ ଶିବଙ୍କ ପ୍ରତିମାକୁ ସ୍କେଚ କରୁଥିବାର ନଜର ଆସିଛନ୍ତି ।
ଧଡକନ ଅଭିନେତ୍ରୀ ତାଙ୍କ ଇନଷ୍ଟାଗ୍ରାମ ପୋଷ୍ଟ କ୍ୟାପସନରେ ଲେଖିଛନ୍ତି ଯେ, ଅତୀତରେ "ଆମ ପିତାମାତା ଆମ ପାଇଁ ବହୁତ କିଛି କରିଛନ୍ତି, ତାହା ହେଉଛି ପ୍ରେମ, କଠିନ ପରିଶ୍ରମ, ବଳିଦାନ । ଏହିସବୁ ଆମେ କେବେ ଭୁଲି ପାରିବୁ ନାହିଁ ।
ଆମ ପିତାମାତା ଆମ ପାଇଁ ଯାହା କରିଛନ୍ତି ତାହାକୁ ଆମେ ଅନୁଧ୍ୟାନ କରିବା ଏବଂ ପ୍ରଶଂସା କରିବା ପାଇଁ ଏହି ଲକଡାଉନ ଏକ ଉତ୍ତମ ସମୟ । ଅତୀତରେ ଆମେ ଯାହା କରିପାରି ନଥିଲୁ, ଆମେ ବର୍ତ୍ତମାନ ତାହା କରିକି ଦେଖେଇବା । ବର୍ତ୍ତମାନ ଆମେ ଆମର ଭଲପାଇବା ଆମର ପିତାମାତାଙ୍କ ପ୍ରତି ଦେଖେଇବା ।
ସେ ଆହୁରି କହିଥିଲେ ଯେ, ବର୍ତ୍ତମାନ ଆମେ ଯାହା କରିପାରିବା ତାହା ହେଉଛି ପ୍ରେମ । #ଧନ୍ୟବାଦମା ।
ନିକଟରେ କରୋନା ସହାୟତାରେ ଅଭିନେତ୍ରୀ ଶିଳ୍ପା ସେଟ୍ଟୀ ପିଏମ କେୟାର ପାଣ୍ଠିରେ 21 ଲକ୍ଷ ଟଙ୍କା ଯୋଗଦାନ କରଛନ୍ତି ।
ଗୁରୁବାର ଦିନ ଶିଳ୍ପା ଏକ ପ୍ଲାକାର୍ଡ ଧରିଥିବାର ଏକ ଫଟୋ ପୋଷ୍ଟ କରି ପୋଲିସ କର୍ମଚାରୀଙ୍କୁ ଏକ ବିଶେଷ ଧନ୍ୟବାଦ ଜଣାଇଛନ୍ତି, ଯେଉଁଥିରେ ଲେଖାଥିଲା, #ଦିଲ ସେ ଧନ୍ୟବାଦ । ଜୟ ହିନ୍ଦ ।
ବ୍ୟୁରୋ ରିପୋର୍ଟ, ଇଟିଭି ଭାରତ
