ହାଇଦ୍ରାବାଦ: ଶେହନାଜ ଗିଲ ତାଙ୍କ ଖାସ୍ ଏବଂ ନିଆରା ଅନ୍ଦାଜରେ ଫ୍ୟାନ୍ସଙ୍କ ଦିଲ୍ରେ ଜାଗା ବନାଇସାରିଛନ୍ତି । ଯେବେଠୁ ଶେହନାଜ ବିଗ୍ ବସ୍ ଘରର ଅଂଶ ହୋଇସାରିଛନ୍ତି ସେବେଠୁ ତାଙ୍କର ଲୋକପ୍ରିୟତାର କୌଣସି ହିସାବ ନାହିଁ। କିନ୍ତୁ ସିଦ୍ଧାର୍ଥ ଶୁକ୍ଲାଙ୍କ ମୃତ୍ୟୁ ପରଠାରୁ ଶେହନାଜ ସୋସିଆଲ ମିଡିଆରୁ ଦୂରେଇ ଯାଇଛନ୍ତି। ତେବେ ଦୀର୍ଘ ସମୟ ପରେ ଶେହନାଜ ଗିଲ ତାଙ୍କର ନୂଆ ଗ୍ଲାମରସ ଫଟୋ ସେୟାର କରିଛନ୍ତି। ଶେହନାଜଙ୍କ ଏହି ନୂଆ ଫଟୋ ଆସିବା ମାତ୍ରେ ପ୍ରଶଂସକ କମେଣ୍ଟ ଦେବାରେ ଲାଗିପଡିଛନ୍ତି ।
- " class="align-text-top noRightClick twitterSection" data="
">
ପଞ୍ଜାବର କ୍ୟାଟ୍ରିନା ଭାବରେ ଜଣାଶୁଣା ଶେହନାଜ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲରେ ନୂଆ ଫଟୋ ସେୟାର କରିଛନ୍ତି। ଏହି ଫଟୋରେ ଶେହନାଜ ଏକ କଳା ରଙ୍ଗର ଓ୍ବାନପିସ ପିନ୍ଧିଛନ୍ତି। ଏହି ପୋଷାକରେ ଥିବା ସବୁଜ ଡିଜାଇନ୍ ତାଙ୍କ ଲୁକ୍କୁ ଆକର୍ଷଣୀୟ କରୁଛି। ଏହି ସୁନ୍ଦର ଫଟୋକୁ ସେୟାର କରିବାର କିଛି କ୍ଷଣି ମଧ୍ୟରେ ଫ୍ୟାନ୍ସଙ୍କ ଜବରଦସ୍ତ ରିଆକ୍ସନ୍ ଦେଖିବାକୁ ମିଳିଛି।
ଜଣେ ଫ୍ୟାନ୍ କମେଣ୍ଟରେ ଲେଖିଛନ୍ତି, ହଜିଯାଇଛି ପୁରୁଣା ହସ। ଆଉ ଜଣେ ୟୁଜର ଲେଖିଛନ୍ତି, ଫଟୋ ବହୁତ ସୁନ୍ଦର କିନ୍ତୁ ଆମ ଚୁଲବୁଲି ଶେହନାଜ ହଜିଯାଇଛି। କାମ କଥା କହିବା ତ, ଶେହନାଜଙ୍କ ଫିଲ୍ମ 'ହୋସଲା ରଖ' ରିଲିଜ ହୋଇସାରିଛି । ଏହା ବ୍ୟତୀତ ଶେହନାଜ ହଲିଉଡ ଓ୍ବେବ୍ ସୋ' 'Lucifer'ରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
