ହାଇଦ୍ରାବାଦ: ବଲିଉଡରେ ଏବେ ଷ୍ଟାର କିଡଙ୍କ ଏଣ୍ଟ୍ରି ଦେଖିବାକୁ ମିଳିଛି । ସାରା ଅଲ୍ଲୀଖାନ, ଜାହ୍ନବୀ କପୁରଙ୍କଠାରୁ ଆରମ୍ଭ କରି ମିଜାନ ଓ ଶର୍ମିନ ସମସ୍ତଙ୍କୁ ବଲିଉଡ ଟିକେଟ ମିଳିସାରିଛି । ବର୍ତ୍ତମାନ ବଲିଉଡ ଷ୍ଟାର କିଡ ଶାହାରୁଖଙ୍କ ଲାଡଲା ଆର୍ଯ୍ୟନ ଓ ଲାଡଲି ସୁହାନା ଖୁବ ଶୀଘ୍ର ବଲିଉଡରେ ଏଣ୍ଟ୍ରି ନେବେ ବୋଲି ଶୁଣିବାକୁ ମିଳୁଛି ।
ପ୍ରଥମେ ଆର୍ଯ୍ୟନ କରନ ଜୋହରଙ୍କ ଫିଲ୍ମରେ ଡେବ୍ୟୁ କରିପାରନ୍ତି ବୋଲି ସୂଚନା ମିଳୁଥିଲା ମାତ୍ର ଏବେ ନୂଆ ଖବର ସାମ୍ନାକୁ ଆସିଛି । ଆର୍ଯ୍ୟନ କରନଙ୍କ ଫିଲ୍ମରେ ନୁହେଁ ବରଂ ସାଉଥ ଇଣ୍ଡଷ୍ଟ୍ରିରୁ ସିନେମାରେ ପାଦ ଦେବେ । ନିର୍ଦ୍ଦେଶକ ଗୁନାଶେଖରଙ୍କ ଫିଲ୍ମ ‘ହିରଣ୍ୟକସ୍ୟପ’ରେ ଏଣ୍ଟ୍ରି ମାରିବେ ଆର୍ଯ୍ୟନ ।
ତେବେ ଏହି ଫିଲ୍ମଟି ‘ବାହୁବଳୀ’ ଭଳି ବଡ ଫିଲ୍ମ ହେବ ଓ ଏଥିରେ ବାହୁବଳୀର ଷ୍ଟାରଙ୍କୁ ଦେଖିବାକୁ ମିଳିବ ବୋଲି ସୂଚନା ମିଳୁଛି । ଫିଲ୍ମକୁ ନେଇ ଅନ୍ୟ କୌଣସି ଖବର ସାମ୍ନାକୁ ଆସିନି । ଫିଲ୍ମର କାମ ଚାଲିଛି ବୋଲି ନିର୍ମାତା ମତ ରଖିଛନ୍ତି ।
