ମୁମ୍ବାଇ: କୋରୋନା ଭାଇରସ ପାଇଁ ପୁରା ବିଶ୍ବ ଭୟଭିତ । ଭାରତରେ ମଧ୍ୟ ଏହି ଭାଇରସରେ ସଂକ୍ରମିତ ହେବାରେ ଲାଗିଛନ୍ତି ଲୋକ । ଦେଶରେ ପ୍ରତିଦିନ ସଂକ୍ରମିତ ଲୋକଙ୍କ ସଂଖ୍ୟା ବଢିବାରେ ଲାଗିଛି । ଏମିତି ପରିସ୍ଥିତିରେ ଅନେକ ରାଜ୍ୟରେ ସ୍କୁଲ, କଲେଜ, ମଲ, ଜିମ ଓ ସ୍ବିମିଂ ପୁଲକୁ ବନ୍ଦ କରିଦିଆଯାଇଛି । ବଲିଉଡ ସେଲିବ୍ରିଟି ମଧ୍ୟ ନିଜ ନିଜ ଘରେ ସମୟ ବିତାଉଥିବାର ନଜର ଆସୁଛନ୍ତି । ନିକଟରେ କିଛି ସେଲିବ୍ରିଟିଙ୍କ ଭିଡିଓ ଭାଇରାଲ ହେଉଥିଲା । ଯେଉଁଥିରେ ସେମାନେ ଘରେ ୱାର୍କଆଉଟ କରୁଥିବାର ନଜର ଆସିଥିଲେ ।
ହେଲେ ଇତିମଧ୍ୟରେ ନିୟମ ବିରୋଧ ଯାଇ ଚର୍ଚ୍ଚାରେ ବି-ଟାଉନର ଫେମସ କପଲ ଶାହିଦ କପୁର ଓ ମୀରା ରାଜପୁତ । ଏହି ଯୋଡି ପାଇଁ ଗୋଟିଏ ଜିମ ଖୋଲାଯାଇଥିଲା । ଖାଲି ଏତିକି ନୁହେଁ ଦୁଇଜଣଙ୍କୁ ଜିମ ବାହାରେ ଦେଖିବାକୁ ମଧ୍ୟ ମିଳିଥିଲା । ଏହି ମାମଲା ଉପରେ ଜିମ ମାଲିକ ନିଜ ପକ୍ଷ ମଧ୍ୟ ରଖିଛନ୍ତି ।
ଶୁଣିବାକୁ ମିଳୁଛି ଯେ ଶାହିଦ ଓ ମୀରାଙ୍କ ପାଇଁ ମୁମ୍ବାଇ ବାନ୍ଦ୍ରା ସ୍ଥିତ ଜିମ ଖୋଲା ଯାଇଥିଲା । ଏହି ଜିମ ପୁରା ଦିନ ବନ୍ଦ ଥିଲା ହେଲେ ସନ୍ଧ୍ୟା 5.30 ଘଟିକାରେ ଏହାକୁ ଖୋଲା ଯାଇଥିଲା । ଯେଉଁଠାରେ ଶାହିଦ ପାଖାପାଖି ଦୁଇ ଘଣ୍ଟା ପର୍ଯ୍ୟନ୍ତ ୱାର୍କଆଉଟ କରିଥିଲେ ।
ସେପଟେ ଜିମ ମାଲିକ ଯୁଧିଷ୍ଠର ଜୟସିଂ ଏକ ସାକ୍ଷାତକାରରେ କହିଛନ୍ତି ଯେ ଶାହିଦ ଓ ମୀରା ଅନ୍ୟ କାମ ପାଇଁ ଜିମ ଆସିଥିଲେ ୱାର୍କଆଉଟ ପାଇଁ ନୁହେଁ । ସେ ଜିମରୁ ଇକ୍ବିପମେଣ୍ଟ ନେବାକୁ ଆସିଥିଲେ । ଯାହା ସେ ପୂର୍ବରୁ ଅର୍ଡର କରିଥିଲେ । ପ୍ରକାଶ ଥାଉକି ଏହି ମାମଲାରେ ଏଯାବତ ଶାହିଦଙ୍କ ତରଫରୁ କୌଣସି ପ୍ରତିକ୍ରିୟା ସାମ୍ନାକୁ ଆସିନାହିଁ ।
