ମୁମ୍ବାଇ: ଫେମସ ରାଇଟର, ଆସିଷ୍ଟାଣ୍ଟ ଡାଇରେକ୍ଟର କନିକା ଧିଲନ ଏବଂ ହିମାଂଶୁ ଶର୍ମା ନିକଟରେ ବିବାହ କରିଛନ୍ତି । ଏହି ଯୋଡି ବିବାହ ବନ୍ଧନରେ ଆବଦ୍ଧ ହେବାର ସପ୍ତାହ ପରେ ଫ୍ୟାନ୍ସଙ୍କୁ ସୋସିଆଲ ମିଡିଆରେ ସୂଚନା ଦେଇଛନ୍ତି । କୋରୋନା ସଙ୍କଟ ପାଇଁ ଦୁଇଜଣ ମ୍ୟାରେଜ ଫଙ୍କସନ ବ୍ୟକ୍ତିଗତ ରଖିଥିଲେ । ଆଉ ବିବାହରେ ସାମିଲ ହୋଇଥିଲେ କିଛି ବନ୍ଧୁଙ୍କ ସହ ପରିବାର ସଦସ୍ୟ ।
ବିବାହର ଅନେକ ଫଟୋ ଇନଷ୍ଟାଗ୍ରାମରେ ସେୟାର କରି କନିକା ଲେଖିଛନ୍ତି, ‘ଏଠାରେ 2021 । ନୂଆ ଆରମ୍ଭ ହିମାଂଶୁଙ୍କ ସହ ।’ ବର୍ତ୍ତମାନ ଭାଇରାଲ ହେଉଥିବା ଫଟୋରେ ଦେଖିବାକୁ ମିଳୁଛି କନିକା ପିଙ୍କ କଲର ଲେହେଙ୍ଗା ପିନ୍ଧିଥିବା ବେଳେ ହିମାଂଶୁ ହ୍ବାଇଟ୍ ର୍କୁତା ସହ ୟୁଲୋ ଜ୍ୟାକେଟ କ୍ୟାରି କରିଥିବାର ନଜର ଆସୁଛନ୍ତି । ଆପଣ ବି ଦେଖନ୍ତୁ ଫଟୋ...
- " class="align-text-top noRightClick twitterSection" data="
">
କନିକା ଫିଲ୍ମ ‘ମନମର୍ଜିଆ’, ‘ଜଜମେଣ୍ଟାଲ ହେ କ୍ୟା’, ‘କେଦାରନାଥ’ ଫିଲ୍ମର କାହାଣୀ ଲେଖିଥିବା ବେଳେ ହିମାଂଶୁ ‘ରାଞ୍ଝଣା’, ‘ତନୁ ୱେଡ୍ସ ମନୁ’ ଏବଂ ‘ଜିରୋ’ର କାହାଣୀ ଲେଖି ଲୋକପ୍ରିୟ ହୋଇଥିଲେ । ସେହିପରି ସାରା ଅଲ୍ଲୀ ଖାନ, ଅକ୍ଷୟ କୁମାର ଓ ଧନୁଷଙ୍କ ଆଗାମୀ ରୋମାଣ୍ଟିକ ଡ୍ରାମା ଫିଲ୍ମ ‘ଅତରଙ୍ଗୀ ରେ’ର କାହାଣୀ ଲେଖିଛନ୍ତି । ଆଉ କିଛି ଦିନ ପରେ ରିଲିଜ ହେବାକୁ ଯାଉଛି ଫିଲ୍ମ । ଖାଲି ଏତିକି ନୁହେଁ ସେ ନିର୍ଦ୍ଦେଶକ ରାଜକୁମାର ହିରାନିଙ୍କ ଆଗାମୀ ପ୍ରୋଜେକ୍ଟରେ ମଧ୍ୟ କାମ କରିବେ ।
