ନୂଆଦିଲ୍ଲୀ: ପାକିସ୍ତାନ ଗସ୍ତରେ ବଲିଉଡ ଅଭିନେତା ଶତ୍ରୁଘ୍ନ ସିହ୍ନା । ପାକିସ୍ତାନ ରାଷ୍ଟ୍ରପତି ଆରିଫ୍ ଅଲବୀଙ୍କୁ ସାକ୍ଷାତ କରିଛନ୍ତି ସେ । ଏନେଇ ଏକ ବୟାନ ଜାରି କରି ସେ କହିଛନ୍ତି,‘ ଏହା ଆମର ବ୍ୟକ୍ତିଗତ ମାମଲା ଏଥିରେ କୌଣସି ରାଜନୈତିକ ଚର୍ଚ୍ଚା ହୋଇନାହିଁ ’ ।
ବଲିଉଡ ଅଭିନେତା ତଥା ପୂର୍ବତନ ସାଂସଦ ଶତ୍ରୁଘ୍ନ ଲାହୋରର ଏକ ବିବାହରେ ଯୋଗ ଦେବା ପାଇଁ ପାକିସ୍ତାନ ଯାଇଛନ୍ତି । ସେ ପାକିସ୍ତାନ ଉଦ୍ୟୋଗପତି ଅସଦ ଅହସାନଙ୍କ ବିବାହରେ ସାମିଲ ହେବା ପାଇଁ ଲାହୋର ପହଞ୍ଚିଥିଲେ । ସେଠାରେ ସେ ପାକିସ୍ତାନ ରାଷ୍ଟ୍ରପତିଙ୍କୁ ସାକ୍ଷାତ କରିଥିଲେ । କଂଗ୍ରେସ ନେତା ଶତ୍ରୁଘ୍ନ ସିହ୍ନା ଏନେଇ କହିଛନ୍ତି,‘ ଆମେ ଅନେକ ବିଷୟ ଉପରେ ଚର୍ଚ୍ଚା କରିଥିଲୁ ଯେପରିକି ସାମାଜିକ, ସାଂସ୍କୃତିକ ମାତ୍ର ରାଜନୈତିକ ଚର୍ଚ୍ଚା ଏଥିରେ ସାମିଲ ନଥିଲା ’।
ଏହାପୂର୍ବରୁ ପାକିସ୍ତାନୀ ବିବାହରେ ଅଭିନେତ୍ରୀ ରିମା ଖାନଙ୍କ ସହ ସାକ୍ଷାତ କରିଥିଲେ । ଏହି ମୁହୂର୍ତ୍ତର ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ପୂର୍ବରୁ ମଧ୍ୟ ରାଷ୍ଟ୍ରପତି ଆରିଫ୍ ଅଲବୀଙ୍କ ଅନେକ ପାରିବାରିକ କାର୍ଯ୍ୟକ୍ରମରେ ଶତ୍ରୁଘ୍ନ ସାମିଲ ହୋଇଥିବା ସୂଚନା ଦେଇଛନ୍ତି ।
