ମୁମ୍ବାଇ: ଚୁଲବୁଲି ଅଭିନେତ୍ରୀ ସାରା ଅଲ୍ଲୀ ଖାନ ଲକଡାଉନର ଭରପୁର ମଜା ଉଠାଉଛନ୍ତି । ସେ ନିଜ ପରିବାର ସହ ଘରେ ଖୁବ୍ ମଜାମସ୍ତି କରୁଥିବାର ଦେଖାଯାଉଛନ୍ତି । ଏବେ ସେ ସୋସିଆଲ ମିଡିଆରେ ଖୁବ୍ ସକ୍ରିୟ ହୋଇଯାଇଛନ୍ତି । ଅନେକ ମଜାଦାର ଭିଡିଓ ପରେ ଏବେ ସେ ଭାଇ ଇବ୍ରାହମଙ୍କ ସହ ୱାର୍କଆଉଟ ପରେ ଆରାମ କରିଥିବାର ଏକ ଫଟୋ ସେୟାର କରିଛନ୍ତି । ଆଉ ଏହାର କ୍ୟାପସନ ପାଇଁ ସେ ପୁଣିଥରେ ଚର୍ଚ୍ଚାରେ।
- " class="align-text-top noRightClick twitterSection" data="
">
ଇନଷ୍ଟାଗ୍ରାମରେ ସେୟାର କରିଥିବା ଫଟୋରେ ସାରା ୱାର୍କଆଉଟ ଡ୍ରେସ ପିନ୍ଧି ଠିଆ ହୋଇଥିବା ବେଳେ ଇବ୍ରାହମ ସର୍ଟଲେସ ଅବତାରରେ ତଳେ ଶୋଇଥିବାର ନଜର ଆସୁଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, ‘ନକ-ନକ, କିଏ ? ଆମେ ନାହୁଁ, କାରଣ ଆମେ ୱାର୍କଆଉଟ କରୁଛୁ ଫଫି ସିଂଙ୍କ ସହ।’ ଜଣାଇ ଦେଉଛୁ ଯେ ସାରାଙ୍କ ଫଫି ସିଂ ତାଙ୍କ ପୋଷାକ କୁକୁର।
ପ୍ରକାଶ ଥାଉକି ଲକଡାଉନ ସମୟରେ ସାରା ନକ-ନକ ଜୋକ୍ସକୁ ନେଇ କିଛି ଦିନ ହେବ ଚର୍ଚ୍ଚାରେ । ଯାହାର ଭିଡିଓ ସେ ଭାଇଙ୍କ ସହ ମିଶି ସେୟାର କରିସାରିଛନ୍ତି । ଯେଉଁଥିରେ ଭାଇ-ଭଉଣୀଙ୍କ ନୋକ-ଝୋକ ଦେଖିବାକୁ ମିଳୁଛି।
