ନୂଆଦିଲ୍ଲୀ: ଅଭିନେତା ସଞ୍ଜୟ ଦତ୍ତ ତେଲେଙ୍ଗାନା ରାଷ୍ଟ୍ର ସମିତି (TRS) ସାଂସଦ ଜେ ସନ୍ତୋଶ କୁମାରଙ୍କ ଦ୍ବାରା ଆରମ୍ଭ କରାଯାଇଥିବା ଗ୍ରୀନ୍ ଇଣ୍ଡିଆ ଚ୍ୟାଲେଞ୍ଜ ପଦକ୍ଷେପକୁ ସମର୍ଥନ କରି ଅଧିକ ବୃକ୍ଷ ରୋପଣ କରିବାକୁ ଲୋକଙ୍କୁ ନିବେଦନ କରିଛନ୍ତି ।
ସୋମବାର ସାଂସଦଙ୍କ ଜନ୍ମଦିନ ଅବସରରେ ସଞ୍ଜୁ ବାବା ହାଇଦ୍ରାବାଦର ଶିଳ୍ପାରାମାମ ଠାରେ ଏକ ଚାରା ରୋପଣ କରିଥିଲେ ।
ସନ୍ତୋଶଙ୍କ ପଦକ୍ଷେପକୁ ପ୍ରଶଂସା କରି ସଞ୍ଜୁ ବାବା ସବୁଜତା ଉପରେ ସଚେତନତା ସୃଷ୍ଟି କରିବା ଉପରେ ଗୁରୁତ୍ବାରୋପ କରିଥିଲେ ।
"ମୁନ୍ନା ଭାଇ M.B.B.S." ଅଭିନେତା କହିଛନ୍ତି ଯେ, ସେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ବହୁତ ଖୁସି ଅଛନ୍ତି ଏବଂ ଏକ ସୁସ୍ଥ ପରିବେଶ ପାଇଁ ଲୋକଙ୍କୁ ଅଧିକ ବୃକ୍ଷ ରୋପଣ କରିବାକୁ ଆହ୍ବାନ କରିଛନ୍ତି ।
ସନ୍ତୋଶ କହିଛନ୍ତି ଯେ, ଏହି କାର୍ଯ୍ୟକ୍ରମରେ ସଞ୍ଜୟଙ୍କ ଅଂଶଗ୍ରହଣ ତାଙ୍କ ଜନ୍ମଦିନରେ ଏକ ଆଶ୍ଚର୍ଯ୍ୟଜନକ ଥିଲା । ବିଶେଷ କରି ଚାରା ରୋପଣରେ ଯୋଗ ଦେଇଥିବାରୁ ସେ ଅଭିନେତାଙ୍କୁ ଧନ୍ୟବାଦ ଜଣାଇବା ସହ ପ୍ରଶଂସକମାନଙ୍କୁ ମଧ୍ୟ ଏହି କାମ କରିବାକୁ ଅନୁରୋଧ କହିଥିଲେ ।
ଏହାପୂର୍ବରୁ ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ସନ୍ତୋଶଙ୍କଙ୍କ ଜନ୍ମଦିନ ଅବସରରେ ଗ୍ରୀନ୍ ଇଣ୍ଡିଆ ଚ୍ୟାଲେଞ୍ଜ ଦ୍ବାରା ପ୍ରକାଶିତ ପୁସ୍ତକ “ବିକାଶ ବେଦମ୍” ପ୍ରକାଶ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
