ନୂଆଦିଲ୍ଲୀ: ବଲିଉଡ ଅଭିନେତା ସଞ୍ଜୟ ଦତ୍ତଙ୍କୁ ଫୁସଫୁସ କର୍କଟ ବା ଲଙ୍ଗ୍ସ କ୍ୟାନ୍ସର ହୋଇଥିବା ସୂଚନା ମିଳିଛି । ଏହି ରୋଗର ତୃତୀୟ ପର୍ଯ୍ୟାୟରେ ଅଛନ୍ତି ସଞ୍ଜୁ ବାବା। ଏହି ଗମ୍ଭୀର ରୋଗର ଚିକିତ୍ସା ପାଇଁ ସଞ୍ଜୟ ଦତ୍ତ ଶୀଘ୍ର ଆମେରିକା ଯିବେ ବୋଲି ଖବର ମିଳିଛି ।
ଏହି ଖବର ଶୁଣି ବାବାଙ୍କ ଫ୍ୟାନ୍ସ ସମସ୍ତେ ତାଙ୍କ ଆରୋଗ୍ୟକାମନା କରିବା ସହ ତାଙ୍କୁ ସାହସ ଦେଇଥିଲେ ।
ଏହି ଅବସରରେ ସଞ୍ଜୟଙ୍କୁ ସୁପରହିଟ୍ ଫିଲ୍ମ ‘ଖଲନାୟକ’ଦେଇଥିବା ଚଳଚ୍ଚିତ୍ର ନିର୍ମାତା ସୁଭାଷ ଘାଇ କହିଛନ୍ତି, ସଞ୍ଜୁ ଏହି ରୋଗ ସହ ଲଢିବେ ଏବଂ ଶୀଘ୍ର ତାଙ୍କ ସ୍ବାସ୍ଥ୍ୟ ଅବସ୍ଥା ଶୀଘ୍ର ଭଲ ହୋଇଯିବ । ସଞ୍ଜୟ ଜଣେ ଶକ୍ତିଶାଳୀ ଯୋଦ୍ଧା । ସେ ନିଶ୍ଚିତ ଭାବରେ ଏଥିରୁ ବାହାରିବେ । ତାଙ୍କର ଆରୋଗ୍ୟକାମନା ପାଇଁ କେବଳ ପ୍ରାର୍ଥନା କରିବା । ସଞ୍ଜୟଙ୍କ ଫିଲ୍ମ ‘ସଡକ- ୨’ର ଟ୍ରେଲର ରିଲିଜ୍ ହୋଇଛି ।
