ମୁମ୍ବାଇ: ସୁପରଷ୍ଟାର ସଲମାନ ଖାନଙ୍କ ଭଉଣୀ ଅର୍ପିତା ଖାନ ଶର୍ମାଙ୍କ ଏକ ନୂଆ ଭିଡିଓ ବର୍ତ୍ତମାନ ସୋସିଆଲ ମିଡିଆ ଚହଳ ସୃଷ୍ଟି କରିଛି । ଯାହାକୁ ନେଇ ଏବେ ଚର୍ଚ୍ଚା । କାରଣ ଏହି କ୍ଲିପ୍ରେ ଅର୍ପିତା ଏକ ରେସ୍ତୋରାଁରେ ପ୍ଲେଟ୍ ଭାଙ୍ଗୁଥିବା ନଜର ଆସିଛନ୍ତି । ତାଙ୍କ ଏହି ଭିଡିଓଟି ବିଦେଶ ଯାତ୍ରା ସମୟର ।
ମଜାଦାର କଥା ହେଲା ଯେ ସେ ରାଗିକି ରେଷ୍ଟୁରାଣ୍ଟର ପ୍ଲେଟ ଭାଙ୍ଗୁନାହାଁନ୍ତି ବରଂ ସେ ହସି ହସି ଏହା କରୁଥିବାର ନଜର ଆସୁଛନ୍ତି । ସେ ବୋଧହୁଏ ଗ୍ରୀକ୍ ରେସ୍ତୋରାଁ ମଧ୍ୟରୁ ଗୋଟିଏରେ ଥିଲେ ଯେଉଁଠାରେ ପ୍ଲେଟ୍ ଭାଙ୍ଗିବା ସେମାନଙ୍କ ଅଫରର ଏକ ଅଂଶ ଥିଲା ।
ଗ୍ରୀକ୍ ପରମ୍ପରାକୁ ଉପଭୋଗ କରି ଅର୍ପିତା ଅନେକ ପ୍ଲେଟ୍ ଭାଙ୍ଗିଥିଲେ ଏବଂ ପରେ ମହିଳାଙ୍କ ଏକ ଟିମରେ ଯୋଗ ଦେଇଥିଲେ ଯେଉଁମାନେ ମଧ୍ୟ ଏହି ଉତ୍ସବରେ ଅଂଶଗ୍ରହଣ କରିଥିଲେ । ଏହା ପରେ ମହିଳା ଏକତ୍ରିତ ହୋଇ ପ୍ଲେଟ ଭାଙ୍ଗିବା ସହ ଡାନ୍ସ କରିଥିଲେ । ଆଉ ସ୍ବାମୀ ତଥା ଅଭିନେତା ଆୟୁଶ ଶର୍ମାଙ୍କ ଲଭଯାତ୍ରୀ ଫିଲ୍ମର ଗୀତରେ ଠୁମକା ଲଗାଇଥିଲେ ଅର୍ପିତା । ଆପଣ ବି ଦେଖନ୍ତୁ ଏହି ମଜାଦାର ଭିଡିଓ...
- " class="align-text-top noRightClick twitterSection" data="
">
ବ୍ୟୁରୋ ରିପୋର୍ଟ, ଇଟିଭି ଭାରତ
