ହାଇଦ୍ରାବାଦ: ସଲମାନ ଖାନଙ୍କ ଆଗାମୀ ଫିଲ୍ମ ଭାରତରେ ଗ୍ରେଟ ରଷିୟାନ ସର୍କସର ସିନକୁ କପି କରାଯାଇଛି । ଏଥିରେ ସଲମାନଙ୍କୁ ବିଭିନ୍ନ ଷ୍ଟଣ୍ଟ କରୁଥିବାର ଦେଖିବାକୁ ମିଳିବ । ମାତ୍ର ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଏହି ସିନକୁ ବଲିଉଡରେ ଆଗରୁ ବି ଦେଖିବାକୁ ମିଳିଛି । ମେରା ନାମ ଜୋକରରେ ମଧ୍ୟ ସର୍କସ ସିକ୍ବେଲ ଦେଖିବାକୁ ମିଳିଥିଲା ।
1970ର ରାଜ କପୁରଙ୍କ ମେରା ନାମ ଜୋକର ସୁପରହିଟ ଫିଲ୍ମ ଥିଲା । ତେବେ ଏଥିରେ ରାଜକପୁରଙ୍କ ସହ ଧର୍ମେନ୍ଦ୍ରଙ୍କୁ ମଧ୍ୟ ଦେଖିବାକୁ ମିଳିଥିଲା । ତେବେ ଏ ନେଇ ଭାରତ ଫିଲ୍ମର ନିର୍ଦ୍ଦେଶକ ଅଲି ଆବାଜ ଜଫର କହିଥିଲେ, ଫିଲ୍ମ ଜରିଆରେ ରାଜକପୁରଙ୍କ ସୁପରହିଟ ଫିଲ୍ମ ମେରା ନାମ ଜୋକରକୁ ଆମେ ଛୋଟ ଟ୍ରିବ୍ୟୁଟ ଦେଇଛୁ ।
ତେବେ ଫିଲ୍ମରେ ସଲମାନଙ୍କ ଚରିତ୍ରକୁ ନେଇ ଧର୍ମେନ୍ଦ୍ର ଖୁବ ପ୍ରସଂଶା କରିଥିଲ । ବବି ଓ ସନ୍ନି ଦେଓଲଙ୍କ ପରେ ସଲମାନ ତାଙ୍କର ତୃତୀୟ ସନ୍ତାନ ବୋଲି କହିଥିଲେ ଧର୍ମେନ୍ଦ୍ର ।
ଭାରତ ଫିଲ୍ମରେ ସଲମାନଙ୍କ ସହ ଦିଶା ପଟନ୍ନି , କ୍ୟାଟ୍ରିନା ଓ ସୁନୀଲ ଗ୍ରୋଭରଙ୍କୁ ଦେଖିବାକୁ ମିଳିବ । ଏହାର ପ୍ରଯୋଜନା ଦେଉଛନ୍ତି ଅତୁଲ ଅଗ୍ନିହୋତ୍ରୀ । ଫିଲ୍ମଟି 5 ଜୁନ 2019ରେ ରିଲିଜ ହେବ ।
