ମୁମ୍ବାଇ: ବର୍ତ୍ତମାନ ସଲମାନ ଖାନଙ୍କ ବହୁପ୍ରତିକ୍ଷିତ ଫିଲ୍ମ ‘ଦବଙ୍ଗ 3’ ରିଲିଜ ହେବାକୁ ପ୍ରସ୍ତୁତ। ସଲ୍ଲୁ ମିଆଁ ଜୋରସୋରରେ ସୋସିଆଲ ମିଡିଆରେ ଫିଲ୍ମରେ ପ୍ରମୋଶନ କରିବାରେ ଲାଗିଛନ୍ତି । ଏହି ଫିଲ୍ମର ଦମଦାର ଟ୍ରେଲର ଦର୍ଶକଙ୍କ ମଧ୍ୟରେ ଖୁବ୍ ହିଟ୍ ସାବ୍ୟସ୍ତ ହୋଇଥିଲା । ଆଉ ଧୀରେ ଧିରେ କରି ମେକର୍ସ ଫିଲ୍ମର ଶାନଦାର ଗୀତ ରିଲିଜ କରିବାରେ ଲାଗିଛନ୍ତି । ଯାହାଦ୍ବାରା ଦର୍ଶକଙ୍କ ଏକ୍ସାଇଟମେଣ୍ଟ ବଢି ବଢି ଚାଲିଛି ।
- " class="align-text-top noRightClick twitterSection" data="">
ଏଯାବତ ‘ଦବଙ୍ଗ 3’ର ଅନେକ ଗୀତର ଅଡିଓ ରିଲିଜ ହୋଇସାରିଛି । କିନ୍ତୁ ଏବେ ଦବଙ୍ଗ ଫ୍ରାଞ୍ଚାଇଜର ଟାଇଟଲ ସଙ୍ଗ ‘ହୁଡ ହୁଡ ଦବଙ୍ଗ’ ରିଲିଜ କରିଦିଆଯାଇଛି । ଏହା ‘ଦବଙ୍ଗ 3’ର ପ୍ରଥମ ଭିଡିଓ ସଙ୍ଗ । ଦବଙ୍ଗ ଫ୍ରାଞ୍ଚାଇଜର ପ୍ରଥମ ଫିଲ୍ମ ଦବଙ୍ଗରେ ‘ହୁଡ ହୁଡ ଦବଙ୍ଗ’ ଶୁଣିବାକୁ ମିଳିଥିଲା । ଯାହା ଖୁବ୍ ପପୁଲାର ମଧ୍ୟ ହୋଇଥିଲା । ଏହା ଫିଲ୍ମର ଟାଇଟଲ ଟ୍ରାକ ।
ବର୍ତ୍ତମାନ ଏହି ଗୀତକୁ ଭିନ୍ନ ଲିରିକ୍ସ ଓ ଦମଦାର ଷ୍ଟାଇଲ ସହ ରିଲିଜ କରାଯାଇଛି । ଗୀତରେ ସଲମାନଙ୍କ ଚୁଲବୁଲ ପାଣ୍ଡେଙ୍କ ମିଜାଜ ଭିନ୍ନ ନଜର ଆସୁଛି । ତାଙ୍କ ଡାନ୍ସ ମଧ୍ୟ ଗୀତରେ ଜବରଦସ୍ତ ଲାଗୁଛି । ପ୍ରକାଶ ଥାଉକି ବୁଧବାର ଫିଲ୍ମର ଆଉ ଏକ ରୋମାଣ୍ଟିକ ଟ୍ରାକ ‘ହବିବି କେ ନୈନ’ ଅଡିଓ ରିଲିଜ କରାଯାଇଥିଲା । ଡିସେମ୍ବର 20ରେ ରିଲିଜ ହେବାକୁ ଯାଉଛି ଏହି ଫିଲ୍ମ ।
