ମୁମ୍ବାଇ: ବଲିଉଡର ତିନି ଖାନ ସଲମାନ ଖାନ, ଶାହରୁଖ ଖାନ ଓ ଆମୀର ଖାନ । ଏମାନଙ୍କ ଦବଦବା ଦୀର୍ଘ ସମୟରୁ ଫ୍ୟାନ୍ସଙ୍କ ହୃଦୟରେ ରାଜ କରିଆସୁଛି । ଏହି ତିନି ଷ୍ଟାର ଅନେକ ହିଟ ଫିଲ୍ମ ବଲିଉଡକୁ ଦେଇସାରିଲେଣି । ବଲିଉଡର ସବୁ ଆକ୍ଟର ଏହି ଖାନଙ୍କ ଭଳି ଷ୍ଟାରଡମ ପାଇବା ପାଇଁ ସବୁବେଳେ ଚେଷ୍ଟା କରନ୍ତି । କିନ୍ତୁ ଗତ କିଛି ସମୟରୁ ଏହି ବଡ ଖାନ ବକ୍ସ ଅଫିସରେ ନିଜ ଯାଦୁ ଦେଖାଇବାରେ ଅସଫଳ ହୋଇଛନ୍ତି । ଏମିତିରେ ବଡ ପ୍ରଶ୍ନ ହେଲା କି କଣ ବାରମ୍ବାର ଫ୍ଲପ ଫିଲ୍ମ ଦେବାରୁ ଏହି ଖାନଙ୍କ ଷ୍ଟାରଡମ ବିପଦରେ ଅଛି ।
ଏହି ବିଷୟରେ କଥା ହୋଇ ସଲମାନ ନିକଟରେ ନିଜର ଏକ ସାକ୍ଷାତକାରରେ ଷ୍ଟାରଡମ ହରାଇବାରେ ସେ କେତେ ଭୟଭୀତ କହିଥିଲେ । ଆଉ ସେ ଏହା ମଧ୍ୟ କହିଥିଲେ କି ତିନି ଖାନ ଆଗାମୀ ସମୟରେ ନିଜ ଷ୍ଟାରଡମକୁ ସମ୍ଭାଳି ରଖିବା ପାଇଁ କଣ କରିବେ ।
କେବେ ନା କେବେ ଷ୍ଟାରଡମର ଚମକ ଫିକା ପଡିଯାଏ । ଏହାକୁ ଦୀର୍ଘସମୟ ପର୍ଯ୍ୟନ୍ତ ବଜାୟ ରଖିବା ନିଜ ଭିତରେ ଏକ ବଡ ଚ୍ୟାଲେଞ୍ଜ । ତାଙ୍କ ଅନୁଯାୟୀ ଶାହରୁଖ, ଆମୀର, ଅକ୍ଷୟ ଓ ଅଜୟ ଏପରି ଆକ୍ଟର୍ସ, ଯିଏ ଦୀର୍ଘସମୟ ପର୍ଯ୍ୟନ୍ତ ଷ୍ଟାରଡମକୁ କାୟମ ରଖିପାରିବେ । ଷ୍ଟାରଡମକୁ ଆଗାମୀ ଭବିଷ୍ୟତରେ ବଜାୟ ରଖିବାକୁ ମଧ୍ୟ ଚେଷ୍ଟା କରିବୁ ଏବଂ ବଲିଉଡକୁ ହିଟ ଫିଲ୍ମ ଦେବୁ ବୋଲି କହିଛନ୍ତି ସଲମାନ ।
ଯଦି ତାଙ୍କ ଶେଷ ଫିଲ୍ମ ବିଷୟରେ କଥା ହେବା, ତେବେ ସେ ନିର୍ଦ୍ଦେଶକ ଅଲ୍ଲୀ ଅବ୍ବାସ ଜଫରଙ୍କ ନିର୍ଦ୍ଦେଶିତ ଫିଲ୍ମ 'ଭାରତ'ରେ ନଜର ଆସିଥିଲେ । ନିକଟରେ ରିଲିଜ ହୋଇଥିବା ଏହି ଫିଲ୍ମଟି ବକ୍ସ ଅଫିସରେ ଠିକଠାକ ଆୟ କରି ହିଟ ସାବ୍ୟସ୍ତ ହୋଇଥିଲା ।
