ମୁମ୍ବାଇ: ଦବଙ୍ଗ ବୟ ସଲମାନ ଖାନଙ୍କ ବହୁପ୍ରତିକ୍ଷିତ ଫିଲ୍ମ ‘ଦବଙ୍ଗ 3’ର ଜବରଦସ୍ତ ଟ୍ରେଲର ଗତ କାଲି(ବୁଧବାର) ରିଲିଜ ହୋଇଯାଇଛି । ସଲମାନଙ୍କ ଏଣ୍ଟରଟେନମେଣ୍ଟର ତୃତୀୟ ସିରିଜ ‘ଦବଙ୍ଗ 3’ର ଟ୍ରେଲର ମୁମ୍ବାଇରେ ରିଲିଜ କରାଯାଇଛି । ଟ୍ରେଲରଟି ରିଲିଜ ହେବା ମାତ୍ରେ ୟୁଟ୍ୟୁବରେ ଟ୍ରେଣ୍ଡ କରିବାରେ ଲାଗିଛି । ଆଉ ଦର୍ଶକଙ୍କ ଶାନଦାର ପ୍ରତିକ୍ରିୟା ମଧ୍ୟ ମିଳିଛି । ଏହି ଅବସରରେ ସଲମାନ ନିଜ ମା'ଙ୍କୁ ସ୍ମରଣ କରିଥିଲେ ।
କଥାଟି ହେଲା କି ପ୍ରେସ କନଫ୍ରେନ୍ସ ସମୟରେ ସଲମାନଙ୍କୁ ପ୍ରଶ୍ନ କରାଯାଇଥିଲା ଯେ ଆପଣ ଅନେକ କଳାକାରଙ୍କୁ ନିଜ ଫିଲ୍ମରେ ସୁଯୋଗ ଦେଇଆସୁଛନ୍ତି । ‘ଦବଙ୍ଗ’ର ପ୍ରଥମ ସିରିଜରେ ସୋନାକ୍ଷୀ ସିହ୍ନାଙ୍କୁ ଡେବ୍ୟୁ କରାଇଥିଲେ । ଆଉ ଏବେ ‘ଦବଙ୍ଗ 3’ରେ ସାଈ ମାଞ୍ଜରେକରଙ୍କୁ ବଲିଉଡରେ ଏଣ୍ଟ୍ରି କରାଇଛନ୍ତି । ବର୍ତ୍ତମାନ ଆପଣ ନୂଆ କଳାକାରଙ୍କ ଡେବ୍ୟୁ କରାଇବାରେ ସେଞ୍ଚୁରୀ ମାରିସାରିଲେଣି । ଏହି କାର୍ଯ୍ୟରୁ ଆପଣ ବଲିଉଡର ମଦର ଟେରେସା ସାଜିଛନ୍ତି ।
ଆଉ ମଦର ଟେରେସାଙ୍କ ସହ ତୁଳନା କରାଯାଉଥିବା ଶୁଣି ସଲ୍ଲୁଙ୍କ ହସ ରୋକିବାର ନାଁ ହିଁ ନେଉନଥିଲା । ସେ ତାଙ୍କ ମାଁଙ୍କୁ ପ୍ରଥମେ ମନେପକାଇ ଜବାବରେ କହିଥିଲେ, ଭଲ ହେଇଥାଆନ୍ତି ଯଦି ଆପଣ ମୋତେ ସବୁଠୁ ଚିଡା ପ୍ରଶ୍ନ ‘ବିବାହ’କୁ ନେଇ କରିଦେଇଥାଆନ୍ତେ ।
ପ୍ରକାଶ ଥାଉକି ଫିଲ୍ମ ଇଣ୍ଡଷ୍ଟ୍ରିରେ ଅନେକ ଏମିତି ଷ୍ଟାର୍ସ ଆଜି ସଲମାନଙ୍କ ପାଇଁ ଫେମସ ହୋଇପାରିଛନ୍ତି । ସୋନାକ୍ଷୀ ‘ଦବଙ୍ଗ’ରୁ ହିଁ ନିଜ ଫିଲ୍ମ କ୍ୟାରିୟର ଆରମ୍ଭ କରିଥିଲେ । ସେହିପରି ସଲମାନ ନିଜ ବନ୍ଧୁ ତଥା ନିର୍ମାତା, ଅଭିନେତା ମହେଶ ମାଞ୍ଜରେକରଙ୍କ ଝିଅ ସାଈଙ୍କୁ ନିଜ ଫିଲ୍ମରେ ସୁଯୋଗ ଦେଇଛନ୍ତି ।
