ମୁମ୍ବାଇ: ଅଭିନେତ୍ରୀ କିୟାରା ଆଡଭାନୀଙ୍କ ଆଜି ରିଲିଜ ହୋଇଥିବା ଫିଲ୍ମ 'କବୀର ସିଂହ' ଖୁବ୍ ଚର୍ଚ୍ଚାରେ । ଫିଲ୍ମରେ କିୟାରାଙ୍କ ଭୂମିକା ଏବଂ ଅନ୍ଦାଜ ଦର୍ଶକଙ୍କ ମନ କିଣିପାରିଛି । ଅନ୍ୟପଟେ ଫ୍ୟାନ୍ସ ଆଜି ସକାଳୁ କିୟାରା ଓ ଶାହିଦ କପୁରଙ୍କ ଅଭିନୀତ ଫିଲ୍ମ ଉପରେ ବେଶ ସକାରାତ୍ମକ ପ୍ରତିକ୍ରିୟା ଦେବାରେ ଲାଗିଛି । ହେଲେ ଆପଣ ମାନେ ଜାଣନ୍ତି କି, କିୟାରାଙ୍କ ନାମ ପ୍ରକୃତରେ କିୟାରା ନୁହେଁ । ନିଜ ବାସ୍ତବ ନାମକୁ ସେ ଜଣେ ସୁପରଷ୍ଟାରଙ୍କ କହିବାନୁଯାୟୀ ପରିବର୍ତ୍ତନ କରିଥିଲେ ।
ଏହି କଥା ଆମେ କହୁନାହୁଁ ବରଂ ଏକ ସାକ୍ଷାତକାରରେ ନିଜେ କିୟାରା କହିଛନ୍ତି । ସେ କହିଥିଲେ କି ତାଙ୍କ ବାସ୍ତବ ନାମ କିୟାରା ନୁହେଁ ବରଂ ଆଲିୟା ଥିଲା । ଆଲିୟା ତାଙ୍କ ପ୍ରଥମ ନାମ । ବି-ଟାଉନର କ୍ୟୁଟ ଅଭିନେତ୍ରୀ ଆଲିୟା ଭଟ୍ଟଙ୍କ ପାଇଁ ଦବଙ୍ଗ ବୟ ସଲମାନ ଖାନ ହିଁ ତାଙ୍କୁ ପରାର୍ମଶ ଦେଇଥିଲେ ନାମ ପରିବର୍ତ୍ତନ କରିବାକୁ । କାରଣ ବଲିଉଡରେ ଏକା ନାମରେ ଦୁଇଟି ଅଭିନେତ୍ରୀ ରହିପାରିବେ ନାହିଁ ।
ସେ ଆହୁରି କହିଥିଲେ କି ସଲମାନ କେବଳ ପରାର୍ମଶ ଦେଇଥିଲେ ନାମ ପରିବର୍ତ୍ତନ କରିବାରୁ କିୟାରା ନାମ ସେ ନିଜେ ବାଛିଛନ୍ତି । ଏବେ ତାଙ୍କ ମାତା-ପିତା ମଧ୍ୟ ଆଲିୟା ଭୁଲି କିୟାରା କହି ଡାକିବା ଆରମ୍ଭ କରିଦେଇଛନ୍ତି ତାଙ୍କୁ ।
