ମୁମ୍ବାଇ: ବଲିଉଡର ଫେଭରେଟ ଫିଲ୍ମ ‘ଅନ୍ଦାଜ ଅପନା ଅପନା’ ର ସିକ୍ବେଲ ଖୁବଶୀଘ୍ର ନିର୍ମାଣ ହେବାକୁ ଯାଉଛି । ଲେଖକ ଦୀଲିପ ଶୁକ୍ଲା ପୂର୍ବରୁ ଫିଲ୍ମର ସିକ୍ବେଲ ବିଷୟରେ ଘୋଷଣା କରି କହିଥିଲେ କି ‘ଅନ୍ଦାଜ ଅପନା ଅପନା 2’ ସୁଟିଂ ଚଳିତ ବର୍ଷ ଆରମ୍ଭ ହେବ । ଏବେ ଫ୍ୟାନ୍ସଙ୍କ ପାଇଁ ଏକ ଗୁଡନ୍ୟୁଜ ସାମ୍ନାକୁ ଆସିଛି । ଆଜ୍ଞା ହଁ, ବଲିଉଡର ଦୁଇ ଖାନ ଆମୀର ଖାନ ଓ ସଲମାନ ଖାନ ପୁଣି ସିକ୍ବେଲ ଫିଲ୍ମରେ ଅଭିନୟ କରିବାକୁ ଯାଉଛନ୍ତି ।
ଦର୍ଶକ ପରଦାରେ ପୁଣି ଅମର-ପ୍ରେମର ମସ୍ତିଭରା ଅନ୍ଦାଜ ଦେଖିବାକୁ ପାଇବେ । ଯାହାର ଖୁଲାସା କରିଛନ୍ତି ଦୀଲିପ । ଏକ ସାକ୍ଷାତକାରରେ ଯୋଗ ଦେଇ ସେ କହିଥିଲେ କି ସଲମାନ ଓ ଆମୀର ‘ଅନ୍ଦାଜ ଅପନା ଅପନା’ ସିକ୍ବେଲ ଫିଲ୍ମରେ ଅଭିନୟ କରିବେ । ଆଉ ଏଥର ସେ ନୂଆ ଅଭିନେତ୍ରୀଙ୍କ ସହ ରୋମାନ୍ସ ମଧ୍ୟ କରିବେ ।
ଫିଲ୍ମ କାଷ୍ଟିଂ ସହ ଫିଲ୍ମର ସ୍କ୍ରିପ୍ଟ ମଧ୍ୟ ଲେଖିବା ଆରମ୍ଭ କରିଦେଇଛନ୍ତି ସେ । ଏଥର ସେ ଆକର୍ଷଣୀୟ ଷ୍ଟୋରୀ ଲେଖିବାକୁ ଚେଷ୍ଟା କରୁଛନ୍ତି । ଯାହା ଦର୍ଶକଙ୍କ ହସାଇ ହସାଇ ବେହାଲ କରିବ । ଏହି ସିକ୍ବେଲ ଫିଲ୍ମଟି ସଲମାନ ଓ ଆମୀରଙ୍କ ବିନା ଅଧୁରା ଲାଗିବ । ଏହି ଦୁଇ ଅଭିନେତାଙ୍କ ସହ ଆଉ ନୂଆ ତିନି କଳାକାରଙ୍କୁ ଫିଲ୍ମରେ ସାମିଲ କରାଯିବ ବୋଲି କହିଥିଲେ ଦୀଲିପ ।
