ମୁମ୍ବାଇ: ଅଭିନେତା ରିଷି କପୁର ନିଜର ଆଗାମୀ ଫିଲ୍ମ ‘ଦ ବଡି’କୁ ନେଇ ଚର୍ଚ୍ଚାରେ । ଦୀର୍ଘ ସମୟ ପରେ ସେ ପରଦାକୁ ଫେରିବାକୁ ଯାଉଛନ୍ତି । ପ୍ରଥମଥର ରିଷି ପପୁଲାର ଅଭିନେତା ଇମରାନ ହାସମୀଙ୍କ ସହ କାମ କରୁଥିବାର ନଜର ଆସିବେ । ସବୁବେଳେ ବିବାଦୀୟ ବୟାନ ପାଇଁ ଆଲୋଚନାର ଶିକାର ହେଉଥିବା ରିଷି ଇତିମଧ୍ୟରେ ଆଉ ଏକ ବୟାନ ଦେଇ ଚର୍ଚ୍ଚାରେ ଆସିଛନ୍ତି ।
ତାଙ୍କ ଅନୁଯାୟୀ ଭାରତ କଳାକାରଙ୍କୁ ଦେଶରେ ସେମିତି ସମ୍ମାନ ମିଳୁ ନାହିଁ, ଯେମିତି ବିଦେଶରେ ମିଳୁଛି । ଏହି କାମ ପାଇଁ ସେ ସରକାରଙ୍କୁ ଦାୟୀ କରିଛନ୍ତି । କଳାକାର ସମଗ୍ର ବିଶ୍ବରେ କଳା ଏବଂ ସଙ୍ଗୀତ ପାଇଁ ଲୋକପ୍ରିୟ । କିନ୍ତୁ ଦେଶର ସରକାର ଆମ ମାନଙ୍କୁ ସେହି ସମ୍ମାନ ଦେଉନାହାଁନ୍ତି ଯାହା ଆମକୁ ମିଳିବା ଦରକାର ।
ଏକ ସାକ୍ଷାତକାରରେ ରିଷି କହିଥିଲେ ଯେ ‘ଏହି କଥାରେ ସେ ବହୁତ ଦୁଃଖି କି ଆମ ସରକାର କଳାକାର ସହ କିପରି ବ୍ୟବହାର କରୁଛନ୍ତି । ଆମେ ଏମିତି ଏକ ଦେଶରେ ଅଛୁ, ଯିଏ ବିଶ୍ବରେ ନିଜ ସିନେମା, ସଙ୍ଗୀତ ଏବଂ ସଂସ୍କୃତି ପାଇଁ ଜଣାଶୁଣା । କିନ୍ତୁ ଦେଖନ୍ତୁ ଆମ ବିଶିଷ୍ଟ କଳାକାରଙ୍କ ସହ କିପରି ବ୍ୟବହାର କରାଯାଉଛି । କଣ ଆମ ସରକାର ସେହିପରି କଳକାରଙ୍କୁ ସମ୍ମାନ ଦେଉଛନ୍ତି, ଯେମିତି ବିଦେଶରେ ଦିଆଯାଉଛି ? ଦେଶର ରାସ୍ତା, ଫ୍ଲାଇଓଭର ଏବଂ ଏୟାରପୋର୍ଟର ନାମ ରାଜନେତାଙ୍କ ନାମରେ ରଖାଯାଉଛି । ଏହି ସବୁ ସ୍ଥାନର ନାମ କଳାକାରଙ୍କ ନାମରେ କାହିଁକି ରଖାଯାଉନାହିଁ ?
ଆପଣ କଣ ମନୋରଞ୍ଜନ ଜଗତରେ ଆମର ରାଜ କପୁର ଓ ପୃଥ୍ବୀରାଜ କପୁରଙ୍କ ଯୋଗଦାନକୁ ଅଣଦେଖା କରିପାରିବେ । ତାଙ୍କର ସମ୍ମାନ ପୁରା ବିଶ୍ବରେ ହେଉଛି କିନ୍ତୁ ନିଜ ଦେଶରେ ନୁହେଁ,’ ଏମିତି କାହିଁକି ବୋଲି ପ୍ରଶ୍ନ କରିଥିଲେ ଋଷି ।
