ନ୍ୟୁୟର୍କ: ଆତଙ୍କବାଦ ଦୁନିଆ ପାଇଁ ସବୁଠୁ ବଡ ବିପଦ । ବୈଶିକ ଶାନ୍ତି ଓ ବିକାଶ ପାଇଁ ଗ୍ଲୋବାଲ ସଂସ୍ଥା ଗୁଡିକରେ ସଂସ୍କାର ଆସିବା ଆବଶ୍ୟକ ଅଟେ । ଆମେରିକାର ନ୍ୟୁୟର୍କରେ ସଂଯୁକ୍ତ ରାଷ୍ଟ୍ର ମହାସଭା( United Nations General Assembly)ରେ ସମିଟ୍ ଫର୍ ଫ୍ୟୁଚରକୁ ସମ୍ବୋଧନ କରିବା ଅବସରରେ ଏହା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀ ଆହୁରି କହିଛନ୍ତି, ଭାରତରେ 250 ମିଲିୟନ ଲୋକଙ୍କୁ ଆମେ ଗରିବୀରୁ ବାହାରକୁ ଆଣି ଏହା ପ୍ରମାଣିତ କରୁଛି ଯେ ସମାବେଶୀ ବିକାଶ ସଫଳ ହୋଇପାରେ । ମାନବ ଜାତିର ହିତ ପାଇଁ ଭାରତ ମନସା-ବାଚା-କର୍ମଣା ଅର୍ଥାତ (ମନ-ବଚନ ଓ କର୍ମ)ରେ କରିକି ଦେଖାଇଛି ।
ଏକ ପୃଥିବୀ, ଏକ ପରିବାର, ଏକ ଭବିଷ୍ୟତ:
#WATCH | In New York, PM Modi says, " for india, one earth, one family and one future is a commitment." pic.twitter.com/bVYDcVf0qm
— ANI (@ANI) September 23, 2024
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆହୁରି କହିଛନ୍ତି, ‘ବିଶ୍ବର କଲ୍ୟାଣ ପାଇଁ ଭାରତ ନିଜର ପବ୍ଲିକ ଇନଫ୍ରାଷ୍ଟକରକୁ ସମଗ୍ର ବିଶ୍ବ ସହ ବାଣ୍ଟିବା ପାଇଁ ପ୍ରସ୍ତୁତ ଅଛି । ଭାରତ ପାଇଁ ୱାନ ଆର୍ଥ, ୱାନ ଫ୍ୟାମିଲି, ୱାନ ଫ୍ୟୁଚର (ଏକ ପୃଥିବୀ, ଏକ ପରିବାର, ଏକ ଭବିଷ୍ୟତ) ପ୍ରତିଶ୍ରୁତିବଦ୍ଧ ଅଟେ । ଭାରତର ପଦକ୍ଷେପ ଗୁଡିକରେ ୱାନ ଅର୍ଥ, ୱାନ ହେଲ୍ଥ, ୱାନ ସନ୍, ୱାନ ୱାଲର୍ଡ ଦେଖାଯାଉଛି ।’
ଭାରତରେ ଗରିବୀରୁ ମୁକୁଳିଛନ୍ତି 250 ମିଲିୟନ:
Speaking at Summit of the Future at the @UN. https://t.co/lxhOQEWEC8
— Narendra Modi (@narendramodi) September 23, 2024
ପ୍ରଧାନମନ୍ତ୍ରୀ ମୋଦି ଆହୁରି କହିଛନ୍ତି, ‘ବିଶ୍ବର ସବୁଠୁ ବଡ ଲୋକତନ୍ତ୍ର ଭାରତ ଓ ଏହାର 140 କୋଟି ଭାରତୀୟଙ୍କ ତରଫରୁ ମୁଁ ସମସ୍ତଙ୍କୁ ନମସ୍କାର ଜଣାଉଛି । ଗତ ଜୁନରେ ମାନବ ଇତିହାସରର ସବୁଠୁ ବଡ ନିର୍ବାଚନରେ ଭାରତର ନାଗରିକ ମୋତେ ତୃତୀୟ ଥର ପାଇଁ ସେବା କରିବାର ଅବସର ଦେଇଛନ୍ତି । ଆଜି ମୁଁ ସେମାନଙ୍କ ସ୍ବର ଆପଣଙ୍କ ପାଖରେ ପହଞ୍ଚାଇବାକୁ ଆସିଛି । ଯେତେବେଳେ ଆମେ ଗ୍ଲୋବାଲ ଫ୍ୟୁଚର(ବିଶ୍ବର ଭବିଷ୍ୟତ) ଉପରେ ଆଲୋଚନା କରୁଛନ୍ତି, ସେତେବେଳେ ହ୍ୟୁମାନ ସେଣ୍ଟ୍ରିକ ଆପ୍ରୋଚ ବିଷୟରେ ପ୍ରଥମେ ଆଲୋଚନା ହେବା ଦରକାର । ଦୀର୍ଘସ୍ଥାୟୀ ବିକାଶକୁ ପ୍ରାଥମିକତା ଦେଇ ଆମେ ମାନବ କଲ୍ୟାଣ, ଖାଦ୍ୟ, ସ୍ବାସ୍ଥ୍ୟ ଓ ସୁରକ୍ଷାର ସୁନିଶ୍ଚିତ କରିବାକୁ ପଡିବ...ଭାରତର 250 ମିଲିୟନ ଲୋକଙ୍କୁ ଆମେ ଦାରିଦ୍ର୍ୟରୁ ମୁକୁଳାଇ ଆମେ କରି ଦେଖାଇଛୁ ।’
3 ବର୍ଷ ପରେ ସମିଟ୍:
#WATCH | In New York, PM Modi says, " for india, one earth, one family and one future is a commitment." pic.twitter.com/bVYDcVf0qm
— ANI (@ANI) September 23, 2024
UN(ଜାତିସଂଘ) ମୁଖ୍ୟ ଆଣ୍ଟିନିଓ ଗୁଟେରସ୍ ଏହି ସମ୍ମିଳନୀକୁ 2021ରେ କରିବାକୁ ପ୍ରସ୍ତାବ ଦେଇଥିଲେ । ହେଲେ କୋରୋନା କାରଣରୁ ଏହା ହୋଇପାରିନଥିଲା । 3 ବର୍ଷ ପରେ ଏହି ସମ୍ମିଳନୀ ହେଉଛି । ଯେଉଁଥିରେ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ସମେତ ଜାତିସଂଘର 193 ଦେଶର ନେତା ସାମିଲ ହୋଇଛନ୍ତି ।
ବିଶ୍ବକୁ ବିପଦରୁ ବଞ୍ଚାଇବା ଏହାର ଲକ୍ଷ୍ୟ:
ସମିଟ୍ ଫର୍ ଫ୍ୟୁଚରର ଉଦ୍ଦେଶ୍ୟ ହେଉଛି, ବିଶ୍ବକୁ ଆସିବାକୁ ଥିବା ବିପଦରୁ ବଞ୍ଚାଇବା । 1970ରୁ 2021 ମଧ୍ୟରେ ପାଣିପାଗରେ ପରିବର୍ତ୍ତନରେ କାରଣରୁ 11,778 ଦୁର୍ବିପାକରେ 20 ଲକ୍ଷରୁ ଅଧିକ ଲୋକ ପ୍ରାଣ ହରାଇଛନ୍ତି । ତେବେ ଏହି ସମିଟରେ ବିଶ୍ବ ଶାନ୍ତି, ସ୍ଥାୟୀ ବିକାଶ, ପାଗରେ ପରିବର୍ତ୍ତନ, ମାନବଧିକାର ଓ ଲିଙ୍ଗଗତ ବିଷୟ ଉପରେ ଆଲୋଚନା ହୋଇଛି ।
